ق. توقايەۆ مەملەكەت باسشىسىنا سەنات جۇمىسىنىڭ 2014 - جىلعى قورىتىندىلارى تۋرالى باياندادى
16:25, 10 - جەلتوقسان 2014
استانا. قازاقپارات - مەملەكەت باسشىسى نۇرسۇلتان نازاربايەۆ قازاقستان رەسپۋبليكاسى پارلامەنتى سەناتىنىڭ ءتوراعاسى قاسىم-جومارت توقايەۆتى قابىلدادى، دەپ حابارلادى اقوردانىڭ باسپا ءسوز قىزمەتى.
كەزدەسۋ بارىسىندا ق. توقايەۆ مەملەكەت باسشىسىنا پارلامەنتتىڭ جوعارعى پالاتاسىنىڭ زاڭ شىعارۋشىلىق قىزمەتى مەن سەنات جۇمىسىنىڭ 2014 - جىلعى قورىتىندىلارى تۋرالى باياندادى.
قازاقستان پرەزيدەنتى قاجەتتى زاڭداردى دەر كەزىندە قابىلداۋدىڭ ماڭىزدىلىعىنا توقتالدى، سونداي-اق «نۇرلى جول» جاڭا ەكونوميكالىق ساياساتىن جۇزەگە اسىرۋدى زاڭنامالىق تۇرعىدان قامتاماسىز ەتۋدىڭ ماڭىزىنا نازار اۋداردى.
سەنات ءتوراعاسى پارلامەنتتىڭ جوعارعى پالاتاسى بيىل 100 گە جۋىق زاڭ قابىلداۋدى جوسپارلاپ وتىرعانىن ايتتى.