ءدۇبىرلى دودادا قازاقستاندىق جۇزگىشتەر ەرەكشە كوزگە ءتۇستى. اسەرسە، مۇگەدەك ارباسىنا تاڭىلعان سپورتشى ءزۇلفيا عابيدۋللينا رەكورد ورناتىپ، جۇرتشىلىقتى تاڭ قالدىردى. 23- قازان كۇنگى قورىتىندى بويىنشا - جالپى ەسەپتە قازاقستان 11 ورىندا.
ينچحون ويىندارىنىڭ سوڭعى كۇندەرىندە سينگاپۋرلىق، قىتايلىق جۇزگىشتەردەن ءزۇلفيا التىن مەدالدى تارتىپ الدى دەسە بولادى. الەمنىڭ ءتورت دۇركىن چەمپيونىنىڭ جەڭىسى سەنساتسيا تۋدىردى، ول جاڭا الەمدىك رەكورد ورناتتى. نەبارى 46,40 سەكۋندتا ول 50 مەتردى ەركىن ستيلدە ءجۇزىپ ءوتتى.
سونداي-اق قازاقستان قورجىنىنا جۇزۋدەن ەكى التىندى ءانۋار احمەتوۆ پەن اندرەي افاناسيەۆ سالدى. 100 مەتر قاشىقتىققا جۇزۋدەن ولارعا ەشكىم تەڭ كەلە المادى.