الەم چەمپيوناتىنا «قازاقستان بارىسى-2014» جۇلدەگەرى قاتىسادى
دزيۋدودان قازاقستاننىڭ ەرلەر قۇراماسىنىڭ جاتتىقتىرۋشىلار شتابى تامىزدىڭ 25-31 ارالىعىندا چەليابىدە وتەتىن الەم چەمپيوناتىنا قاتىساتىن قۇراما ساپىن انىقتادى. سونىمەن ەل نامىسىن بايراقتى باسەكەدە مىنا پالۋاندار قورعايتىن بولادى: 60 كەلىدە - ايبەك يماشيەۆ (اقتاۋ)، ەركەبۇلان قوسايەۆ (ش ق و)؛ 66 كەلىدە - سەرگەي ليم، ەلدوس جۇماقانوۆ (ەكەۋى دە الماتىدان)، جانساي سماعۇلوۆ (قاراعاندى)؛ 73 كەلىدە - ەرتۋعان تورەنوۆ (تاراز)؛ 81 كەلىدە - رينات يبراگيموۆ (ب ق و)؛ 90 كەلىدە - سامات ەسەن (و ق و)؛ 100 كەلىدە - ماكسيم راكوۆ (قاراعاندى)، ءادىلحان قوزىبايەۆ (قىزىلوردا)؛ 100+ كەلىدە - رۋسلان ءابدىرازاقوۆ (قىزىلوردا).
چەليابىدە وتەتىن الەم چەمپيوناتى الەمنىڭ بارلىق دزيۋدويستەرى باس قوساتىن باستى جارىس سانالادى. قۇراما كوماندالار بۇل بايراقتى باسەكەگە ەڭ ۇزدىك سپورتشىلارىن اپارادى.
ايتا كەتەيىك، رۋسلان ءابدىرازاقوۆ 2010 - جىلى قازاقستان بارىسى اتانعان ۇلان رىسقۇلدىڭ تۋعان ءىنىسى. رۋسلان اعىمداعى جىلى قازاقشا كۇرەستەن وتكەن تۋرنيردە مۇحيت تۇرسىنوۆقا ەسە جىبەرگەن بولاتىن. ال م. تۇرسىنوۆ وسى جىلى قازاقستان بارىسى اتاعىن جەڭىپ العان ەدى. دەگەنمەن، رۋسلان ءدال وسى تۋرنيردە ءۇشىنشى ورىندى يەلەنگەنى ەستە.
اۆتور: مارلان جيەمباي