فۋتبول-2014: مەسسيدىڭ گولى ارگەنتيناعا جەڭىس اكەلدى - كەسكىن
08:34, 16 - ماۋسىم 2014
استانا. قازاقپارات - بۇگىن ارگەنتينا قۇراماسى برازيليادا ءوتىپ جاتقان فۋتبولدان الەم چەمپيوناتىندا بوسنيا جانە گەرتسوگوۆينا كومانداسىن 2-1 ەسەبىمەن ۇتىپ كەتتى.
ءبىرىنشى تايمنىڭ ءۇشىنشى مينۋتىندا ارگەنتينا ەسەپ اشتى. ماركوس روحونىڭ تەپكەن دوبىنان كەيىن بوسنيالىق ويىنشى كولاشيناتس ءوز قاقپاسىنا دوپ ەنگىزىپ الدى. بۇل ءبىرىنشى تايمداعى جالعىز گول بولدى.
ەكىنشى كەزەڭدە ارگەنتينالىق كوماندانىڭ كاپيتانى جانە الەمنىڭ ءتورت مارتە ەڭ ۇزدىك ويىنشىسى تانىلعان ليونەل مەسسي وسى مۋنديالداعى العاشقى گولىن سالىپ، ءوز ۇجىمىنىڭ مەرەيىن اسىرا ءتۇستى.
بوسنيا جانە گەرتسوگوۆينا بولسا، لاتىن امەريكالىق فۋتبولشىلارعا ۇلكەن قارسىلىق كورسەتە ءبىلدى. كەزدەسۋدىڭ 84 - مينۋتىندا يبيشيەۆيچ ءوز ەلىنىڭ تاريحىندا الەم چەمپيوناتىنداعى العاشقى گولىن سالدى.