اۋدان اكىمى باستى باسىمدىقتى مەملەكەت باسشىسى ۇسىنعان «نۇرلى جول» باعدارلاماسى اياسىندا كولىكتىك لوگيستيكانى دامىتۋعا بەرەتىندىكتەرىن مالىمدەدى.
«جولداۋ اياسىندا ءبىز كولىك لوگيستيكاسىن جاقسارتۋدى جوسپارلاپ وتىرمىز. جۇمىس نەگىزىنەن قالاعا بيىل قوسىلعان كولساي، سۇلۋساي، اققايىڭ اۋىلدارىنىڭ جول ساپاسىن جاقسارتۋعا باعىتتالادى. سونداي- اق، كوكجايلاۋ باعىتىنداعى تۋريستىك مارشرۋت كۇردەلى جوندەۋگە الىنادى. قازىر اۋداننىڭ وسىنداي 43 كوشەسىن جوندەۋگە ءوتىنىم الدىق»، - دەدى ول.
اكىمنىڭ ايتۋىنشا، كوكجايلاۋ كۋرورتىنىڭ قۇرىلىسى اۋداننىڭ، قالا بەردى قالانىڭ ەكونوميكاسىنا تىڭ سەرپىن بەرەدى. ويتكەنى، مەملەكەت باسشىسى اتاپ وتكەندەي، تۋريستىك سالادا اشىلعان جۇمىس ورنى ءوندىرىس ورنىندا اشىلعان جۇمىس ورنىنان بىرنەشە ەسە ارزان.
«مىسال رەتىندە شىمبۇلاق پەن مەدەۋدى كەلتىرە الامىن. شىمبۇلاق پەن مەدەۋدە ءبىر تيىن ينۆەستيتسيا سالىنباي بىلتىر 200 مىڭ جۇمىس ورنى اشىلدى. ناتيجەسىندە شىمبۇلاق كۋرورتى 135 ميلليون، مەدەۋ كەشەنى 45 ميلليون تەڭگە كولەمىندە تازا تابىس اكەلدى. سوندىقتان، كوكجايلاۋ كۋرورتىنىڭ قۇرىلىسى دا قالامىزدىڭ ەكونوميكاسىنا ۇلكەن كۇش بەرەرى ءسوزسىز»، - دەدى سۇلتانبەك ماكەجانوۆ.
اۆتور: گۇلميرا عوسمانالي