«بيىلعى جىل مەن ءۇشىن اسا تاماشا بولدى. مەن ءوز كوماندامدى، باپكەرىم مەن جانكۇيەرلەرىمدى ماقتان تۇتامىن. اسا قۋانىشتىمىن. كوماندالاستارىما العىس ايتامىن، سەبەبى ولارسىز بۇل جۇلدەنى يەلەنبەس تە ەدىم»، - دەيدى رونالدۋ.
29 جاستاعى ويىنشى «رەال» قۇراماسىندا چەمپيوندار ليگاسى مەن ۋەفا سۋپەركۋبوگىن ۇتقانىمەن، چەمپيوناتتا دا، يسپانيا كۋبوگىندا دا جەڭىلىسكە ۇشىرادى. سونداي-اق رونالدۋ باستاعان پورتۋگالدىق كوماندا بيىلعى برازيلياداعى الەم چەمپيوناتىندا دا توپ جارىپ شىعا الماعان ەدى.
«ەۋروپاداعى ماۋسىمنىڭ ەڭ ۇزدىك ويىنشىسى» جۇلدەسى ۋ ە ف ا-دا 2011- جىلدان باستاپ France Football اپتالىعى ەۋروپاداعى ماۋسىمنىڭ ۇزدىك ويىنشىسىنا بەرەتىن «التىن دوپ» ف ي ف ا تاپسىراتىن «الەمدەگى جىلدىڭ ەڭ ۇزدىك ويىنشىسى» جۇلدەسىمەن بىرىكتىرىلگەن سوڭ پايدا بولدى. ۋ ە ف ا-نىڭ جاڭا جۇلدەسىنىڭ يەگەرىن دە 1956-2009- جىلدار ارالىعىنداعى «التىن دوپتاعىداي» جۋرناليستەر انىقتايدى.
«ەۋروپاداعى ماۋسىمنىڭ ەڭ ۇزدىك ويىنشىسى» جۇلدەسىنىڭ العاشقى يەگەرى 2011- جىلى ليونەل مەسسي بولدى. ونى 2012- جىلى اندرەس ينەستا، ال 2013- جىلى فرانك ريبەري الدى، دەپ حابارلايدى يتار-تاسس.