وبلىس اكىمى باسپا ءسوز قىزمەتىنىڭ مالىمەتىنشە، شاراعا ءدىن وكىلدەرى جانە «زاستاۆا تارلاندارى» رەسپۋبليكالىق قوعامدىق بىرلەستىگى فيليالىنىڭ ارداگەر شەكاراشىلارى، سونداي-اق قايتىس بولعانداردىڭ جاقىندارى، تۋعان-تۋىستارى قاتىسقان.
ۇ ق ك شەكارا قىزمەتى تۇركىستان وبلىسى بويىنشا دەپارتامەنتى اسكەري قىزمەتشىلەرىنىڭ باستاماسىمەن ءوز ەلىنىڭ ناعىز پاتريوتتارى - وتان ساقشىلارىن ۇلىقتاي وتىرىپ، ۇشاق اپاتى بولعان ورىنعا مەموريالدىق تاقتا ورناتىلدى.
قۇلپىتاسقا ماڭگىلىك مەكەنگە اتتانعان شەكاراشىلاردىڭ اتى-ءجونى جازىلدى. مەموريال باسىندا وڭتۇستىك شەكاراشىلارى مارقۇم بولعان قارۋلاستارىنىڭ قۇرمەتىنە دۇعا-تىلەكتەرىن ارناپ، گۇل شوقتارىن قويدى.
2012-جىلدىڭ 25- جەلتوقسانى كۇنى مەملەكەتىمىزدە قارالى كۇن جاريالانعان ەدى. قىستىڭ وسىناۋ ءبىر قىتىمىر كۇنىندە بولعان بۇل قايعىلى جاعداي تاۋەلسىز ەل تاريحىندا بولعان ەڭ اۋىر وقيعا ەدى.