بۇل وتكەن جىلدىڭ وسى كەزەڭىمەن سالىستىرعاندا %7 كوپ، دەپ حابارلايدى قازاقپارات ءتىلشىسى.
ق ر ىشكى ىستەر ءمينيسترى مارات احمەتجانوۆ س ق و تۇرعىندارىمەن كەزدەسۋ بارىسىندا ينتەرنەت- الاياقتىق قىلمىسىنا توقتالدى. جىل سايىن قىلمىسكەرلەر ەل ازاماتتارىن 10 ميلليارد تەڭگە شاماسىندا شىعىنعا باتىرىپ كەلەدى. ءارى قىلمىستىڭ بۇل ءتۇرى جىلدان- جىلعا ارتىپ كەلەدى. ماسەلەن 5 جىل بۇرىن رەسپۋبليكا بويىنشا وسىنداي 4 مىڭ قىلمىس تىركەلسە، بيىل ونىڭ سانى 17,5 مىڭعا جەتكەن.
«سىزدەردىڭ وڭىرلەرىڭىزدە جىل باسىنان بەرى 649 ينتەرنەت الاياقتىق قىلمىسى جاسالدى. بۇل وتكەن جىلمەن سالىستىرعاندا %7 كوپ.
«پەتروپاۆل تۇرعىنى 13 ادامنىڭ اتىنا 2 ميلليون تەڭگە ونلاين- نەسيە العان. تاعى بىرەۋى جالعان حابارلاندىرۋ ارقىلى 50 تۇرعىندى الداپ، ولاردىڭ 3 ميلليون تەڭگەسىن قالتاسىنا باسقان»، - دەدى مارات احمەتجانوۆ.
بيىل س ق و- دا سونداي- اق ينتەرنەت- الاياقتىقپەن اينالىسىپ كەلگەن ۇيىمداسقان قىلمىستىق توپ اشكەرە بولدى.
«قىلمىستىق توپتى پەتروپاۆل تۇرعىنى ۇيىمداستىرعان. وسى قالانىڭ عانا ەمەس، استانا تۇرعىندارىن دا قۇرىقتارىنا تۇسىرگەن. بارلىعى ۇستالدى، تورتەۋى يزولياتوردا وتىر.
ولار 50 دروپپەر ارقىلى ۇرلانعان اقشانى كوپتەگەن بانك ەسەپشوتتارى ارقىلى شەشىپ وتىرعان. ءار وپەراتسياعا قىزمەتتەرى ءۇشىن 50 مىڭ تەڭگە تولەگەن. جالپى شىعىن - 200 ميلليون تەڭگە»، - دەدى مارات احمەتجانوۆ.
ىشكى ىستەر ءمينيسترى تۇرعىنداردى قاۋىپسىزدىكتى ەستەن شىعارماۋعا شاقىردى.
«ىشكى ىستەر ورگاندارىنىڭ نەمەسە بانك قىزمەتكەرى بولىپ حابارلاسىپ، قاراجاتقا قاتىستى قانداي دا ءبىر نۇسقاۋ بەرسە، ونى ورىنداۋعا بولمايدى. جەكە مالىمەتتەرىڭىزدى، سونىڭ ىشىندە كارتانىڭ رەكۆيزيتتەرى ەشكىمگە ايتپاڭىزدار. كۇدىكتى ساۋدا بويىنشا الدىن الا تولەم جاساماعان ءجون. بىرەۋلەر جىبەرگەن سىلتەمەلەرگە وتۋگە بولمايدى، سونداي- اق ءپارولدى ۇنەمى اۋىستىرىپ وتىرۋدى ادەتكە اينالدىرعان دۇرىس»، - دەدى ىشكى ىستەر ءمينيسترى.
پوليسيا قىلمىستىڭ بۇل ءتۇرىن اشۋعا ەرەكشە ءمان بەرمەك. قازىرگى ۋاقىتتا ينتەرنەت الاياقتىق قىلمىسقا جاۋاپكەرشىلىكتى كۇشەيتۋ ماسەلەسى قارالىپ جاتىر.