«زاڭناما تالاپتارىنىڭ ساقتالۋىن باقىلاۋ اياسىندا اقپارات جانە قوعامدىق دامۋ مينيسترلىگى سەپاراتيستىك جانە ۇلتارالىق الاۋىزدىقتى تۋعىزاتىن سوزدەر مەن جاريالانىمداردى انىقتاۋ جانە بۇعاتتاۋ تۇرعىسىندا ب ا ق، ينتەرنەت- رەسۋرستار مەن الەۋمەتتىك جەلىلەرگە تۇراقتى نەگىزدە مونيتورينگ جۇرگىزۋدە. انىقتالعان فاكتىلەر بويىنشا ينتەرنەت- رەسۋرس يەلەرىنىڭ اتىنا 231 ەسكەرتۋ حاتى جىبەرىلدى، 11 ۇيعارىم شىعارىلدى. ينتەرنەت- رەسۋرستاردىڭ يەلەرى 200 دەن استام زاڭسىز ماتەريالدى ءوز بەتىنشە الىپ تاستادى»، - دەپ اتاپ وتەدى ۇكىمەت باسشىسى جاۋابىندا.
ايتا كەتەيىك، ءماجىلىس دەپۋتاتتارى ساۋالدا اقپاراتتىق قاۋىپسىزدىكتى قاتاڭ باقىلاپ، ياعني، الەۋمەتتىك جەلىلەرگە، كەلۋشىلەردىڭ چاتتارىنا كونتەنت ساراپتاما (Facebook, Tik-Tok, Telegram, Instagram, Vkontakte جانە باسقا) مەن مونيتورينگ جۇرگىزۋدى ۇسىنعان بولاتىن.
سونىمەن قاتار ۇلتتىق قاۋىپسىزدىككە قاۋىپ توندىرەتىن جانە مەملەكەتىمىزدىڭ جەر تۇتاستىعىنا، تاۋەلسىزدىگىمىزگە كۇمان كەلتىرەتىن جازبا اۆتورلارىن ەرەكشە قاداعالاۋعا الىپ، ونداي ىرىتكى سالۋشىلاردى قاتاڭ جاۋاپكەرشىلىككە تارتىپ، ەلدەن شۇعىل الاستاۋ قاجەت دەپ سانايتىنىن بىلدىرگەن ەدى.