ا ق ش- تىڭ وڭتۇستىكتەگى شەكاراسىندا اي سايىن 200 مىڭنان استام ميگرانت ۇستالادى
22:11, 17 - ماۋسىم 2022
ۆاشينگتون. قازاقپارات - مامىر ايىندا ا ق ش- تىڭ كەدەن جانە شەكارا كۇزەتتەرى وڭتۇستىك- باتىستا ورنالاسقان قۇرلىقتاعى شەكارادا 239416 زاڭسىز ميگرانتتى ۇستادى، دەپ حابارلايدى قازاقپارات ءتىلشىسى ABC News باسىلىمىنا سىلتەمە جاساپ.
سارسەنبى كۇنى جاريالانعان ستاتيستيكاعا سايكەس، ا ق ش- تا وڭتۇستىكتەگى شەكارادان وتۋگە تالپىنعانداردىڭ ەڭ كوپ سانى سوڭعى رەت 2000-جىلى تىركەلگەن بولاتىن.
قۇجاتتا سوڭعى ءتورت ايدا وڭتۇستىك شەكارا بويىندا زاڭسىز ميگرانتتار سانى ايتارلىقتاي ارتىپ، اي سايىن 200 مىڭنان استام ادامدى قۇرايتىنى ايتىلعان.
مامىر ايىندا شەكارانى زاڭسىز كەسىپ وتكىسى كەلگەندەر ساۋىرمەن سالىستىرعاندا %2 كوپ بولدى. زاڭدى وكىلى جوق كامەلەتكە تولماعاندار سانى دا وتكەن ايمەن سالىستىرعاندا ءوستى.
ا ق ش شەكارا-كەدەن قىزمەتى ميگرانتتاردىڭ % تۇتقىنداپ، دەپورتاتسيالادى.
ماۋسىم ايىنىڭ باسىندا بىرنەشە مىڭ ميگرانت مەكسيكادان قۇراما شتات شەكاراسىنا بەت العان. ولاردىڭ باسىم بولىگى ۆەنەسۋەلادان كەلگەن بولىپ شىقتى.