بارلىعى بيىل 460 تان استام جاڭا اۆتوبۋس الۋ جوسپارلانعان.
«سىيىمدىلىعى ۇلكەن جاڭا اۆتوبۋستار كونديتسيونەرلەرمەن، پاندۋستارمەن جانە ۆيدەوباقىلاۋ جۇيەلەرىمەن قامتىلعان. جاڭا جىلجىمالى قۇرام كولىكتى كۇتۋ ۋاقىتىن جانە باعىتتارداعى كەپتەلىس ساعاتتارىن قىسقارتۋعا مۇمكىندىك بەرەدى» ، - دەدى باسقارمادان.
ايتا كەتەرلىگى، قازىردىڭ وزىندە «الماتى ەلەكتروترانس» ج ش س ورناتقان كامەرالار ارقىلى جۇرگىزۋشىلەر باقىلاۋعا الىنعان. بارلىق ءتارتىپ بۇزۋشىلىق تارتىپتىك كەڭەستە قارالادى.
«وڭاي» جۇيەسى ەنگىزىلگەننەن كەيىن قالانىڭ اۆتوبۋس پاركتەرى عا جاڭاردى، كولەڭكەلى اينالىمداعى قارجى شىعارىلدى.
ەگەر بۇرىندارى اۆتوپاركتەر بيۋدجەت قارجىسى ەسەبىنەن جاڭارسا، قازىر تاسىمالداۋشىلار ءوز قارجىلارىن ينۆەستيتسيالاۋعا مۇمكىندىك بەرەتىن اشىق نارىقتىق مەحانيزمدى ۇتىمدى قولدانۋدا. جىل باسىنان بەرى قاراي №65, №60, №14 باعىتتار بويىنشا 125 جاڭا اۆتوبۋس جۇرە باستادى.
جالپى، الماتىدا كولىك رەفورماسى اياسىندا ەكى جىل ىشىندە عانا قالانىڭ اۆتوبۋس پاركى دان استام دەڭگەيگە جاڭاردى. ەلىمىزدەگى العاشقى BRT جەلىسى جۇمىس ىستەي باستادى، كارشەرينگ قىزمەتى ەنگىزىلدى، مەترونىڭ ەكى ستانساسىنىڭ قۇرىلىسى جالعاسۋدا جانە LRT قولعا الىندى.
بۇلاردان وزگە، 15 - ساۋىردەن باستاپ قالادا 120 دان استام كوشەنى ورتاشا جوندەۋ جۇمىستارى باستالادى. قالانىڭ 14 ىقشام اۋدانىنداعى 456 كوشەگە جاڭا جول توسەلەدى. جوندەۋ جۇمىستارى قوعامدىق كولىكتىڭ ءجۇرۋ كەستەسى مەن باعىت قوزعالىسىنا كەرى اسەرىن تيىگزبەيدى. كەپتەلىستى بولدىرماۋ ماقساتىندا جول تەك ءتۇن مەزگىلىندە عانا جابىلادى.