وسكەمەندەگى ارباتتىڭ قۇرىلىسىنا 200 ميلليون تەڭگە ءبولىندى

  استانا. قازاقپارات - وسكەمەن ءبىر كوشەنى تۇتاس جاياۋ جۇرگىنشىلەرگە ارناپ جاساقتاۋ يدەياسىنان باس تارتقان جوق. بۇل ءۇشىن بيۋدجەتتەن ميلليوندار بولىنۋدە، دەپ حابارلايدى altaynews.kz سايتى.

بۇل تۋرالى ش ق و ەكونوميكا جانە بيۋدجەتتىك جوسپارلاۋ باسقارماسى جەتەكشىسىنىڭ ورىنباسارى راۋشان لاستايەۆا ايتتى.

«گولوۆوكوۆ، گوركي، وردجونيكيدزە كوشەلەرىن جاساقتاۋ ءۇشىن وبلىس بيۋدجەتىنەن 200 ميلليون تەڭگە قاراستىرىلعان» ، - دەدى راۋشان لاستايەۆا.

ەسكە سالا كەتسەك، گولوۆكوۆ كوشەسىنىڭ گوركي جانە وردجونيكيدزە كوشەلەرىنىڭ ارالىعىنداعى تۇسى جاياۋ جۇرگىنشىلەرگە ارنالىپ جاساقتالاتىندىعى جازىلعان بولاتىن. ياعني اربات بولادى. وندا فونتان، شاعىن ساۋدا دۇڭگىرشەكتەرى، ورىندىقتار مەن سپورت، ويىن الاڭدارى سالىنادى. وعان قوسا جاڭادان شامدار ورناتىلىپ، عيماراتتاردىڭ كوشەگە قاراعان بەتى جوندەلەدى.

Baq.kz