«ونداعان جىلدار بويى كوررۋپتسيالىق توپتىڭ ارەكەتىنەن ەلگە 100 ميلليارد دوللار شىعىن كەلدى» دەپ مالىمدەدى ساۋد ارابيانىڭ باس پروكۋرورى. ونىڭ سوزىنشە، بۇل توپتىڭ ءىس-ارەكەتىن زەرتتەۋگە ءۇش جىل ۋاقىت كەتكەن.
كوررۋپتسيانى تەرگەۋ اياسىندا كورولدىكتە ءبىر جارىم مىڭنان استام بانك ەسەپ شوتى بۇعاتتالدى. سونىمەن بىرگە بىرىككەن اراب امىرلىگىنەن 19 جوعارى لاۋازىمدى شەنەۋنىكتىڭ بانكتەگى ەسەپ شوتتارى تۋرالى مالىمەت سۇرالعان.
Reuters اگەنتتىگىنىڭ حابارلاۋىنشا، ەلدەگى وتە باي ادامدار بىردەن اكتيۆتەرىن ساتا باستاعان.
5- قاراشادا ساۋد ارابياسىندا 11 حانزادا مەن ءتورت مينيستر جانە ونداعان بۇرىنعى شەنەۋنىك ۇستالعان. بۇل ىسپەن ساۋد ارابياسىنڭ تاق مۇراگەرى مۇحاممەد بەن سالماننىڭ بۇيرىعىمەن قۇرىلعان كوررۋپتسيامەن كۇرەس كوميتەتى اينالىسىپ جاتىر.