استانادا وتكەن ديماشتىڭ «Bastau» اتتى جەكە كونتسەرتىنە وراي شەتەلدەن كەلگەن تۋريستەردىڭ دە قاراسى كوبەيدى. ايتا كەتەرلىگى، ايتۋلى شاراعا ارنايى كەلىپ وتىرعان قوناقتاردىڭ باسىم كوپشىلىگىن قىتاي ازاماتتارى قۇراپ وتىر.
ديماشتىڭ ەرەكشە تالانتىنا باس ءيىپ، ونىڭ شىعارماشىلىق كەشىن وتكىزىپ العىسى كەلمەگەن وسىنداي تۋريستەردىڭ ءبىرى - قىتايلىق لە سين.
كەشەگى كۇنىن كوكشەنىڭ بۋرابايىندا ساياحاتتاۋعا ارناعان ول بۇگىنگى كۇنىن باس شاھاردىڭ ءبىراز جەرلەرىن ارالاۋمەن وتكىزگەن ەكەن.
«استانا وتە ادەمى قالا ەكەن. بۋرابايلارىڭىزدىڭ دا كوركىنەن كوز سۇرىنەدى. نەگىزى مەن قازاقستان جايلى بۇرىن كوپ بىلە بەرمەيتىنمىن. ءبىراق ديماش ارقىلى ءبىز سىزدەردىڭ ەلدەرىڭىز، سالت- ءداستۇر مەن ادەت- عۇرىپتارىڭىز، تاريحتارىڭىز تۋرالى كوپ ماعلۇماتتاردى ءبىلىپ جاتىرمىز.
قازاق حالقى - وتە مىقتى حالىق. سىزدەردىڭ بولاشاقتارىڭىز ءالى الدا» ، - دەپ قىتايلىق قىز قازاقستان جايلى ءوز اسەرلەرىمەن ءبولىستى.
سونداي- اق ول ديماشتىڭ كوپتەگەن اندەرىن ۇزبەي تىڭدايتىنىن جەتكىزدى.
«مەن ديماشتىڭ ءار ءانىن 200 دەن استام رەت تىڭدادىم. ونىڭ ورىنداۋىنداعى ەڭ جاقسى كورەتىن ءانىم - «مەنىڭ قازاقستانىم» ونى تىڭداعاندا قازاق بولماسام دا، ەرىكسىز كوزىمە جاس تىعىلاتىنىن جاسىرمايمىن» ، - دەگەن لە سين ديماشتىڭ شىعارماشىلىعىنا دەگەن ىستىق ىقىلاسىن ءبىلدىردى.
ەستەرىڭىزگە سالا كەتەيىك، كەشە ەلوردادا جاس ءانشى ديماش قۇدايبەرگەننىڭ جەكە كونسەرتى بولىپ وتكەن ەدى. وعان 30 مىڭعا جۋىق ادام كۋا بولىپ، تىڭدارماندارى تاڭ قالدىرار شوۋ تاماشالاعان.
NUR. KZ