قازاقستاندا ساعاتىنا 200 شاقىرىم جىلدامدىقپەن جۇرەتىن جولاۋشىلار لوكوموتيۆى سىناقتان ءساتتى ءوتتى - فوتو
جاڭا ۇلگىدەگى ءبىر سەكسيالى كوپ مىندەتتى اتقارا الاتىن لوكوموتيۆ قازاقستان تەمىر جولىندا رەكوردتىق جىلدامدىقپەن ءجۇرىپ ءوتتى.
Alstom كومپانياسىنىڭ لوكوموتيۆى الەمنىڭ تۇكپىر-تۇكپىرىندە قولدانىستا ءجۇر.
جاڭا تەحنيكا «قازاقستان تەمىر جولى» ۇ ك» ا ق تەحنيكالىق جانە گوست ستاندارتى مەن سەرتيفيكاتى تالاپتارىنا سايكەس كەلەدى.
ەلەكتروۆوزدىڭ سىرتقى كەسكىنى سۇلۋ عانا ەمەس، ىشكى ديزاينى دا وتە جايلى ءارى كورنەكتى. ماشينيست پەن كومەكشىسىنىڭ كابيناسىندا بارلىق جاعدايلار جاسالعان. جىلۋدى باقىلاۋ قوندىرعىسى، ورىندىقتى جىلىتۋ جۇيەسى، ەدەندى جىلىتۋ، ميكروتولقىندى پەش، توڭازىتقىش، دارەتحاناسى دا بار.
سىناققا قاتىسقان لوكوموتيۆ بريگاداسى جاڭا ەلەكتروۆوزدىڭ مۇمكىندىگىن جوعارى باعالادى. «ق ت ج- جۇك تاسىمالى» ا ق- نىڭ «قاراعاندى لوكوموتيۆ پايدالانۋ دەپوسى» فيليالىنىڭ ماشينيست-نۇسقاۋشىسى نۇرلان سەيىتوۆ، 1-سىنىپتى ماشينيسى سەرگەي سوتنيكوۆ جانە ماشينيست كومەكشىسى يليا ۋريۋمتسيەۆ KZ4AT ەلەكتروۆوزىن لوكوموتيۆ اتاۋلىنىڭ فلاگمانى دەپ تانىدى.
«ساعاتىنا 200 شاقىرىم جىلدامدىقپەن جۇرگەن كەزدە قىسىمنىڭ ازداعان جوعارىلاۋى بايقالادى. بۇل ءالى ۇيرەنبەگەندىكتەن سەكىلدى. سەبەبى، قازىرگى جولاۋشىلار پويىزدارىنىڭ ەڭ جوعارعى جىلدامدىعى ساعاتىنا 140 شاقىرىمنان اسپايدى. مۇنداي جىلدامدىقپەن «تۇلپار-تالگو» پويىزى استانا مەن الماتى اراسىندا جولاۋشىلاردى تاسىمالدايدى. ال، ساعاتىنا 200 شاقىرىم جىلدامدىقپەن قازاقستاندىق ماشينيستەر ءالى ءجۇرىپ كورگەن جوق. بۇل ماسەلەدە ءبىز العاشقىلارمىز!»، - دەيدى كەۋدەسىن ماقتانىش كەرنەگەن ماشينيست پەن ونىڭ كومەكشىسى.
«ءبىز قازاقستان تەمىر جولىنىڭ تاريحىندا ساعاتىنا 200 شاقىرىم جىلدامدىقپەن ءجۇرۋ سىناعىن ءساتتى وتكىزگەنىمىزگە قۋانىشتىمىز. مۇنداي رەكوردتىڭ بولاشاعى زور. سەبەبى، قازاقستاننىڭ ەكونوميكالىق دامۋى مەن ەۋروپانى، قيىر شىعىس، ازيا جانە رەسەيمەن ۇلى جىبەك جولى ارقىلى جالعاۋىنىڭ كولىكتىك دالىزىنە جول اشاتىندىعىن كورىپ وتىرمىز»، - دەپ اتاپ ءوتتى Alstom كومپانياسىنىڭ ت م د اۋماعى وڭتۇستىك كلاستەرىنىڭ باسقارۋشى ديرەكتورى بەرنارد پەلل.
قازاقستاندا مۇنداي ۇلگىدەگى لوكوموتيۆتەردى كۇزدە استاناداعى «ەلەكتروۆوز قۇراستىرۋ زاۋىتى» كاسىپورنىندا قۇراستىرىلا باستايدى.