بۇل تۋرالى ازاتتىق جازادى.
ۆەدومستۆو كيەۆتەن ۋكراينا تەرريتورياسى ارقىلى رەسەيلىك ترانزيتتىك جۇك كولىكتەرىنىڭ جۇرۋىنە تىيىم سالىنعانى تۋرالى رەسمي ەسكەرتۋ الماعانىن ايتادى.
15- اقپاندا ۋكراينا بيلىگى رەسەيلىك ترانزيتتىك جۇك كولىكتەرىنىڭ جۇرۋىنە تىيىم سالعان. ۋكراينا ۇكىمەتى تاراتقان مالىمدەمەسىندە رەسەيدى دۇنيەجۇزىلىك ساۋدا ۇيىمىنىڭ ەرەجەلەرى مەن ۇكىمەتارالىق كەلىسىىمدى بۇزىپ وتىر دەپ ايىپتايدى. كيەۆ بۇل جاۋاپ شاراسى «رەسەي جاعىنان جاۋاپ بەرىلىپ، ماسەلە شەشىلگەنگە دەيىن» كۇشىندە قالاتىنىن ەسكەرتكەن.
رەسەي ترانسپورت مينيسترلىگى 14- اقپاندا ەل اۋماعىندا ۋكراينادا تىركەلگەن جۇك كولىكتەرىنىڭ جۇرۋىنە تىيىم سالعان. مينيسترلىك مۇنى ۋكراينالىق «اۆتومايدان» قوزعالىسى بەلسەندىلەرىنىڭ 11- اقپاننان باستاپ رەسەي جۇك كولىكتەرىنىڭ ۋكراينا تەرريتورياسىنداعى جولىن بوگەگەنىنە «جاۋاپ شارالارى» دەپ تۇسىندىرگەن.
ماسكەۋ كيەۆتىڭ ۋكراينا تەرريتورياسىندا رەسەيلىك جۇك كولىكتەرىنىڭ قوزعالىسىن شەكتەگەنىن «ەرسى» ارەكەت دەپ اتاپ، «جاعدايدى مۇقيات باقىلاپ وتىرعانىن» مالىمدەگەن.