ق ر ق ك ايەروۇتقىر اسكەرلەرىنىڭ 200 اسكەري قىزمەتشىسى اسكەري دايارلىقتارىن شىڭداۋدا
بۇل تۋرالى ق ر قورعانىس مينيسترلىگىنىڭ باسپا ءسوز قىزمەتىنەن حابارلادى.
جيىنعا ق ر ق ك ق ءا ايەروۇتقىر اسكەرلەرى باسشىلىق قۇرامىنىڭ 20 -دەن استام اسكەري قىزمەتشىسى قاتىسادى. جيىنعا قاتىسۋشىلار اسكەري دايىندىقتىڭ، اسكەري جانە قۇقىقتىق ءتارتىپتىڭ نەگىزگى باعىتتارىن شىڭدايتىن بولادى. ودان باسقا، اتىس دايارلىعى، ارنايى دايىندىق - اتىس ارتيللەرياسىنىڭ دالدىگىن پىسىقتاۋ، زىمىران- ارتيللەريالىق قارۋ- جاراق قويمالارىنا قويىلاتىن تالاپتار، وق- دارىلەردىڭ ەشەلونداۋ ءتارتىبى بويىنشا توپتار قۇرامىندا ساباقتار وتەدى.
تەحنيكالىق دايارلىق اياسىندا قارۋ- جاراقتى، اسكەري تەحنيكا مەن اۆتوموبيلدەردى جوندەۋ بولىمشەلەرىمەن تاكتيكالىق- ارنايى وقۋ- جاتتىعۋلار وتكىزىلەدى. تاربيە جانە الەۋمەتتىك- قۇقىقتىق جۇمىستار بويىنشا ساباقتاردا جاۋىنگەرلىك ازىرلىكتىڭ جوعارى دارەجەسىنە كەلتىرۋ كەزىندە جانە مارش جاساۋ بارىسىندا ارنايى وپەراتسيالاردا اسكەري قىزمەتشىلەردىڭ مورالدىق- پسيحولوگيالىق قاسيەتتەرىن ۇيىمداستىرۋ جونىندەگى داعدىلار جەتىلدىرىلەدى.
وتكەن اپتادا گۆاردەيسك كەنتىندەگى «وتار» 40- اسكەري بازاسىندا ق ر ق ك قۇرلىق اسكەرلەرى باسشىلىق قۇرامىنىڭ جەدەل- ادىستەمەلىك جيىندارى اياقتالعانىن ەسكە سالا كەتەيىك. اسكەري قىزمەتشىلەر جاۋىنگەرلىك ازىرلىكتى جەتىلدىرۋدىڭ وزەكتى ماسەلەلەرىن تالقىلاپ، اسكەرلەردىڭ جاۋىنگەرلىك دايارلىعىنىڭ جاڭا ۇلگىلەرى مەن قۇرالدارىن قاراستىردى. مۇندا 2015 - جىلعى ءبىرىنشى جارتىجىلدىقتىڭ قورىتىندىسى شىعارىلدى.