«انت قابىلدار الدىندا اتۋدان دايىندىق جاتتىعۋلارى ءوتتى. كەيبىر ساربازدار وزدەرىنىڭ مۇنداي جاتتىعۋلارعا دايىن ەكەندىكتەرىن كورسەتە الدى. ق ر قارۋلى كۇشتەرى كاسىبي اسكەردى قۇرۋدا، مۇمكىن ولار سول اسكەريلەر قاتارىن تولىقتىراتىن بولار.
جالپى، اسكەرگە شاقىرىلعاندار وتانعا قىزمەت ەتىپ، پايداسىن تيگىزۋگە نيەتتى. سالتاناتتى انت قابىلداۋ راسىمىنە ساربازداردىڭ اتا- انالارى، ولاردىڭ وتباسى مۇشەلەرى شاقىرىلعان. بارلىعى 320 ادام كەلدى»، - دەدى تەڭىز جاياۋ اسكەرى گۆاردياسىنىڭ 390- بريگاداسىنىڭ كومانديرى، پودپولكوۆنيك ەربولات تولىقبايەۆ.
ساربازدار اسكەري مىندەتتەرىن ءبىر جىل مەرزىمدە اتقارادى. تىلەك ءبىلدىرىپ، سايكەس راپورتپەن ءوتىنىش بىلدىرگەندەر كەلسىمشارتپەن ءارى قاراي اسكەري قىزمەتكە قالا الادى. 2013 - جىلى كۇزدە اسكەر قاتارىنا شاقىرىلعانداردان مۇنداي تىلەكتى 10 سارباز بىلدىرگەن. ولار قازىر كەلىسىمشارتپەن قىزمەت ەتۋدە.
انت قابىلدانعاننان كەيىن ءاربىر ساربازعا جانە ونىڭ اتا- اناسىنا توسىن سىي جاسالدى. ولارعا ىشىندە اتۋ جاتتىعۋلارى كەزىندە، كازارمادا تۇسىرىلگەن فوتوسۋرەتتەر مەن بەينەماتەريالدار بار ديسك جانە ۇجىمدىق سۋرەتتەر سالىنعان اشىق حاتتار تابىستالدى.