استانادان 200 شاقىرىم جەردە جەر سىلكىنىسى ورىن الدى
13:55, 21 - ماۋسىم 2014
استانا. قازاقپارات - قازاقستاننىڭ ورتالىعىندا ماگنيتۋداسى 4,8 بالدى قۇراعان جەر سىلكىنىسى ورىن الدى دەپ حابارلادى emsc-csem.org ەۋروپالىق- جەرورتا تەڭىزى سەيسميكالىق ورتالىعى.
جەرگىلىكتى ۋاقىت بويىنشا ساعات 12:30 دا استانادان 206 شاقىرىم وڭتۇستىك- شىعىستا، قاراعاندىدان 26 شاقىرىم وڭتۇستىك- باتىستا جەر سىلكىندى.
قاراعاندى تۇرعىندارىنىڭ ايتۋىنشا، قالادا ءدۇمپۋ سەزىلگەن. ءارى، استانانىڭ تۇرعىندارى الەۋمەتتىك جەلىلەردە جەر سىلكىنىسىنىڭ ءدۇمپۋىن سەزگەنىن ايتۋدا.
ق ر ت ج م باسپا ءسوز قىزمەتىنىڭ دەرەكتەرى بويىنشا قازىرگى ساتتە قۇلاپ قيراۋلار تۋرالى مالىمەت تۇسكەن جوق.