«حالىقتىڭ كوپتەگەن ءوتىنىشى نەگىزىندە، سونداي- اق، حالىقارالىق تاجىريبەنى ەسكەرە وتىرىپ، ۇلتتىق بانك 2006 -جىلدان باستاپ جانە ودان كەيىن شىققان بانكنوتتاردى ايىرباستاۋ ءۇشىن شەكسىز مەرزىم ەنگىزۋ تۋرالى شەشىم قابىلدادى. جاڭا بانكنوت شىققان جاعدايدا، 12 اي ىشىندە ەسكى بانكنوت قاتار قولدانىستا جۇرەدى. باسقاشا ايتساق، ەسكى بانكنوت تا، جاڭا بانكنوت تا زاڭدى تولەم قۇرالى بولادى جانە ولاردى ءبىر جىل بويى بارلىق تولەم ءتۇرى بويىنشا قابىلداۋعا مىندەتتى»، - دەدى جومارت قاجىمۇراتوۆ.
ونىڭ ايتۋىنشا، قانداي دا ءبىر بانكنوت اينالىمنان شىققاننان كەيىن ونى 3 جىل مەرزىم ىشىندە ۇلتتىق بانكتىڭ فيليالدارىنان، ەكىنشى دەڭگەيلى بانك بولىمشەلەرىنەن، «قازپوشتا» ا ق كەڭسەلەرىنەن ايىرباستاپ الۋعا بولادى.
«ەگەر ءسىز بەلگىلى ءبىر سەبەپتەرگە بايلانىستى اينالىمنان شىققان بانكنوتتاردى 3 جىل ىشىندە ەدب پەن «قازپوشتا» ا ق كەڭسەلەرىندە ايىرباستاي الماي قالساڭىز، وندا ۇلتتىق بانكتىڭ فيليالدارى ولاردى مەرزىم بويىنشا شەكتەۋسىز قابىلدايدى»، دەلىنگەن حابارلامادا.
ۇلتتىق بانك فيليالدارىنىڭ مەكەن- جايى مەن بايلانىس نومىرلەرى سايتتا جازىلعان. جاڭاشىلدىق 12- ماۋسىمىنان باستاپ كۇشىنە ەنەدى.