ورتالىق بارلاۋ بيۋروسى يراكتىڭ 2001 - جىلعى تەرراكتىگە قاتىسى جوقتىعىن ايعاقتايتىن دەرەكتەردى جاريالادى
00:48, 14 - جەلتوقسان 2014
استانا. قازاقپارات- ساددام حۋسەيننىڭ «ال- كايدا» لاڭكەستەرىنە قاتىسى بولماعان جانە امەريكالىق بارلاۋ بيۋروسى بۇل تۋرالى ءاۋ باستان بىلگەن. وسىنداي مالىمدەمەنى ورتالىق بارلاۋ بيۋروسى كۇنى كەشە عانا تاراتتى، دەپ حابارلايدى «ر ي ا نوۆوستي».
دەمەك، ا ق ش- تا 2001 - جىلدىڭ 11 - قىركۇيەگىندە نيۋ- يوركتە بولعان تەراكتىگە يراك ارالاسپاعان. ورتالىق بارلاۋ بيۋروسى تەراكت ۇيىمداستىرۋشىسى مۇحاممەد اتتا مەن يراكتىڭ بارلاۋ وكىلى پراگادا كەزدەستى دەگەن اقپارتتى جوققا شىعارعانى ءمالىم.
الايدا، ا ق ش بيلىگى، اسىرەسە ۆيسە- پرەزيدەنت ديك چەينيدىڭ ۇستانامى وزگەرمەدى. ول يراكتا جاپپاي قىرىپ- جويۋ قارۋى بار دەگەننەن دە تايمادى. ءبىراق بۇل مالىمدەمە دالەل تاپپاعانى بەلگىلى.
ەسكە سالساق، وسى ارگۋمەنتتەر يراك اۋماعىنا باسقىنشىلىق جاساۋعا نەگىز بولعان ەدى. سالدارىنان 100 مىڭنان استام اسكەري قازا تاپتى. ولاردىڭ 4,5 مىڭى ا ق ش اسكەريلەرى. سول سوعىستان ەل ءالى كۇنگە دەيىن ەسىن جيناي الار ەمەس.
«استانا»