الماتىدا 2000 -جىلدان كەيىن سالىنعان عيماراتتارعا سەيسميكالىق اۋديت جۇرگىزىلەدى
«اتالعان جۇمىستى بيىلعى شىلدە ايىندا باستايمىز جانە كەلەسى جىلى اياقتايمىز. 16 مىڭ 700-دەن استام نىسان زەرتتەلەدى، ونىڭ ىشىندە 1641 ى - كوپپاتەرلى تۇرعىن ءۇي، 15060 ى - ازاماتتىق جانە قوعامدىق عيماراتتار. بيىل ءبىز الەۋمەتتىك نىسانداردى سەيسميكالىق كۇشەيتۋدى جالعاستىرىپ جاتىرمىز، 20 ميلليارد تەڭگەگە 16 نىسان نىعايتىلادى. قازىر 34 نىساندى سەيسميكالىق نىعايتۋعا جوبالىق- سمەتالىق قۇجاتتاما ازىرلەپ جاتىرمىز، ونى 2024-2025 -جىلدارى جۇرگىزەمىز»، - دەدى ەربولات دوسايەۆ ورتالىق كوممۋنيكاتسيالار قىزمەتىندە وتكەن باسپا ءسوز ءماسليحاتىندا.
قالا باسشىسىنىڭ پىكىرىنشە، جاڭا سەيسمواۋديت الماتى قالاسى وبەكتىلەرىنىڭ پاسپورتتارىن ونىڭ سوڭعى 5 جىلداعى دامۋىن ەسكەرە وتىرىپ، جاڭارتۋعا مۇمكىندىك بەرەدى.
«الدىڭعى سەيسمواۋديت 2017-2018 -جىلدارى جۇرگىزىلگەن. سول كەزدە الماتىدا 27 تەكتونيكالىق جارىقشاق انىقتالعان ەدى. بۇگىندە ولاردا 1116 نىسان ورنالاسقان، ونىڭ ىشىندە 754 سەيسميكالىق ءتوزىمدى عيمارات بار جانە 362 نىسانعا قاۋىپ ءتونىپ تۇر»، - دەدى اكىم.