ش ق و بويىنشا ق ا ج دەپارتامەنتى باسپا ءسوز قىزمەتىنىڭ مالىمەتىنە سۇيەنسەك، تانىسىمەن جانجالداسىپ قالعان ايەل Tik-Tok الەۋمەتتىك جەلىسىنە 20 سەكۋندتىق ۆيدەو جاريالاعان. مۇنى كورگەن اۋىلداسى بۇل ۆيدەونىڭ ونىڭ ار-نامىسى مەن قادىر-قاسيەتىن قورلايتىنىن ايتىپ، سوتقا شاعىم ءتۇسىردى.
سوت شەشىمىمەن ايەل ادام 90 ساعاتتىق قوعامدىق جۇمىسقا تارتىلدى. 24 جاستاعى اۋدان تۇرعىنى پروباتسيا قىزمەتىنىڭ ەسەبىنە الىنىپ، قوعامدىق جۇمىستاردى اتقارۋ ءۇشىن اكىمدىككە جىبەرىلدى. ەندى ول كۇنىنە ءتورت ساعات بويى كوشە تازالايدى.
«پروباتسيا قىزمەتىنىڭ ينسپەكتورلارى ايەلدىڭ جۇمىستى ورىنداۋىن باقىلايدى. ەگەر ول قوعامدىق جۇمىستاردان جالتارعان جاعدايدا زاڭ شەڭبەرىندە شارا قولدانىلادى»، - دەيدى شەمونايحا اۋداندىق پروباتسيا قىزمەتىنىڭ باسشىسى گۇلميرا بولەكبايەۆا.