22-جەلتوقسان ساعات 17.00 دەگى جاعداي بويىنشا 2 وبلىستا رەسپۋبليكالىق ماڭىزى بار اۆتوجولداردىڭ 2 ۋچاسكەسىندە كولىك قوزعالىسىنا شەكتەۋ ەنگىزىلدى.
بۇل تۋرالى Kazinform رەسپۋبليكالىق ماڭىزى بار اۆتوموبيل جولدارىنىڭ ۇلتتىق وپەراتورىنا سىلتەمە جاساپ حابارلايدى.
جامبىل وبلىسىندا 1 ۋچاسكە، الماتى- تاشكەنت- تەرمەز اۆتوجولىنىڭ كەنەن اۋىلىنان قاينار اۋىلىنا دەيىنگى بولىگى جابىق.
جەتىسۋ وبلىسىندا 1 ۋچاسكە، ءۇشارال- دوستىق اۆتوجولىنىڭ كوكتۋما ستانتسياسىنان دوستىق ستانتسياسىنا دەيىنگى جول جابىق.
شەكتەۋ اۆتوكولىكتىڭ بارلىق تۇرىنە قولدانىلادى (بوران، كورىنىستىڭ قيىنداۋى) .
قازىرگى ۋاقىتتا رەسپۋبليكالىق ماڭىزى بار اۆتوجولداردا 715 تەحنيكا جۇمىس ىستەپ جاتىر.
ريزابەك نۇسىپبەك ۇلى
«قازاق ءتىلى مەن ادەبيەتى» ماماندىعىنىڭ ماگيسترى.
2009 -جىلدان بەرى "قازاقپارات" حالىقارالىق اقپارات اگەنىتتىگىندە قىزمەت اتقارادى.
"قازاقپارات" حالىقارالىق اقپارات اگەنتتىگىن دامىتۋعا قوسقان ۇلەسى ءۇشىن جانە ەلىمىزدىڭ اقپارات سالاسىنا سىڭىرگەن ەڭبەگى ءۇشىن «كۇمىس بىتىكشى» مەدالىنىڭ يەگەرى.
حالىقارالىق، رەسپۋبليكالىق جىر ءمۇشايرالارىنىڭ جۇلدەگەرى.