2-قاڭتاردا ەلدەگى قاي جولداردا قوزعالىس ءتارتىبى وزگەردى

الماتى. KAZINFORM - «قازاۆتوجول» ۇلتتىق كومپانياسى ەلدەگى جولداردىڭ قازىرگى احۋالى تۋرالى حابارلادى.

ۇلتتىق كومپانيانىڭ مالىمەتىنشە، 2026-جىلعى 2-قاڭتار ساعات 09:00 دە رەسپۋبليكالىق ماڭىزى بار «ر ف شەكاراسى - مارتوك - اقتوبە - قارابۇتاق - قىزىلوردا - شىمكەنت - تاراز - قورداي - الماتى - قورعاس – ق ح ر شەكاراسى» اۆتوجولىنىڭ 159-238-شاقىرىم ارالىعىنداعى ۋچاسكەسىندە (كەنەن اۋىلىنان قاينار اۋىلىنا دەيىن) كولىكتىڭ بارلىق ءتۇرى ءۇشىن قوزعالىس اشىلدى.

ال 08:00 دەگى جاعداي بويىنشا اۆتوكولىكتىڭ بارلىق ءتۇرى ءۇشىن جىلدامدىق رەجيمى 80 شاقىرىم ساعاتتان 110 شاقىرىم ساعاتقا وزگەرتىلگەن جول ۋچاسكەلەرى:

اقمولا وبلىسى

* رەسپۋبليكالىق ماڭىزى بار KAZ02 «استانا - كوكشەتاۋ (اينالما جولىمەن) - پەتروپاۆل – ر ف شەكاراسى (جاڭا جول وتكىزۋ پۋنكتى) » اۆتوجولىنىڭ 18-232-شاقىرىم ارالىعى؛

* KAZ01 «استانا - قاراعاندى - الماتى» اۆتوجولىنىڭ 30-92-شاقىرىم ارالىعى، جىبەك جولى كەنتى - انار ستانتسياسى ۋچاسكەسى.

قاراعاندى وبلىسى

* رەسپۋبليكالىق ماڭىزى بار KAZ01 «استانا - قاراعاندى - الماتى» اۆتوجولىنىڭ 92- 164 شاقىرىم ارالىعى، انار ستانسياسى - تەمىرتاۋ قالاسى ۋچاسكەسى.

سونداي-اق تىركەمەسى بار جانە جارتىلاي تىركەمەلى جۇك كولىكتەرىنىڭ قوزعالىسى وسينوۆ اسۋىندا ۋاقىتشا شەكتەلدى. شەكتەۋ «وسكەمەن - التاي - كاتونقاراعاي - راحمان قاينارى» اۆتوجولىنىڭ 46-66-شاقىرىمىنداعى (سيەۆەرنوە اۋىلى - سەرەبريانسك قالاسى) ۋچاسكەسىندە قىس اياقتالعانشا ساقتالادى.

ال «استانا - شىدەرتى - پاۆلودار - ۋسپەنكا – ر ف شەكاراسى» اۆتوجولىنداعى جولايرىقتىڭ كوپىر قۇرىلىمىنىڭ شەتكى ارقالىقتارى زاقىمدانۋىنا بايلانىستى «قالقامان» جولايرىعى ۋچاسكەسى جابىلدى. اتاپ ايتقاندا، قالقامان كەنتىنە كىرەبەرىس پەن استانا باعىتىنا شىعاتىن جول ۋاقىتشا جابىق.

ەسكە سالايىق، سينوپتيكتەر 2-قاڭتاردا ەلدىڭ بارلىق اۋماعىندا اۋا رايىنا بايلانىستى ەسكەرتۋ جاساعان ەدى.