قازاقستاندا سوڭعى اپتادا كوروناۆيرۋس جۇقتىرۋ كورسەتكىشى 2,9 ەسەگە وسكەن
08:02, 07 - شىلدە 2022
نۇر- سۇلتان. قازاقپارات - قازاقستاندا كوروناۆيرۋس جۇقتىرۋ كورسەتكىشى 2,9 ەەگە ارتقان. بۇل تۋرالى سانيتارلىق- ەپدەميولوگيالىق باقىلاۋ كوميتەتىنىڭ رەسمي وكىلى ەرجان بايتانايەۆ ءمالىم ەتتى، دەپ حابارلايدى قازاقپارات.
ول كەلتىرگەن دەرەكتەرگە قاراعاندا، ەلدە كارانتين تالاپتارى جەڭىلدەتىلگەننەن كەيىن ۆاكسيناتسيا مەن ريەۆاكسيناتسيا قارقىنى 2 ەسەگە تومەندەپ كەتتى. حالىقتىڭ ەكپە الۋعا دەگەن بەلسەندىلىگىنىڭ السىرەۋى مەن ۆيرۋسقا قارسى كۇرەس شارالارىنا سالعىرت قاراۋىنىڭ سالدارىنان سوڭعى اپتادا كوروناۆيرۋس ينفەكسياسى بويىنشا اۋرۋشاڭدىق كورسەتكىشتەرى 2,9 ەسەگە جوعارىلادى. ەپيدەميولوگيالىق مونيتورينگ COVID-19 ىندەتىنە شالدىعۋ دەرەكتەرىنىڭ % 80- كە جۋىعى ۆيرۋسقا قارسى ەكپە الماعان جانە سوڭعى ۆاكسينالاۋدان كەيىن 6 اي ءوتىپ كەتكەن ازاماتتار ۇلەسىندە ەكەنىن كورسەتتى. «بۇل ۆاكسيناتسيانىڭ ۆيرۋسقا قارسى تيىمدىلىگىن دالەلدەيتىن تاعى ءبىر كورسەتكىش»، - دەيدى رەسمي وكىل.