نە ىستەرىن بىلمەي، ابدىراپ قالعان قىز دەرەۋ پوليسياعا حابارلاسقان. جابىرلەنۋشىنىڭ ايتۋىنشا، ول كۇندىز ەسەپشوتقا اقشا سالۋ ءۇشىن مامبەتوۆ كوشەسىمەن بانككە قاراي بەت العان. وسى كەزدە ونىڭ ارتىنان كەلە جاتقان بەلگىسىز ەر ادام كەنەت ونىڭ قولىنداعى پاكەتتى جۇلىپ الىپ، جۇگىرە جونەلگەن. پوليسيانىڭ جەكە قۇرامى قاراقشىنى انىقتاۋعا جانە ۇستاۋعا جۇمىلدىرىلعان.
جۇرگىزىلگەن جەدەل ىزدەستىرۋ ءىس- شارالارىنىڭ ناتيجەسىندە نۇر- سۇلتان قالاسى پ د سارىارقا اۋداندىق پوليسيا باسقارماسىنىڭ قىزمەتكەرلەرى مايلين كوشەسىنەن 26 جاستاعى ەر ادامدى ۇستادى.
«انىقتالعانداي، كۇدىكتى بۇرىن جابىرلەنۋشىنىڭ ءوزى جۇمىس ىستەيتىن ساۋدا سالاسىنداعى كاسىپورىندا ءبىر اي تاجىريبەدەن وتكەن. قىلمىس جاسالعان ساتكە دەيىن قاراقشى اقشا ۇرلاۋ ماقساتىندا قىزدىڭ ءجۇرىپ- تۇرۋ باعىتى مەن ۋاقىتىن الدىن الا بارلاعان. ءوز كىناسىن مويىنداعان ازامات اقشانىڭ باسىم بولىگىن قاجەتىنە جۇمساعانىن ايتتى»، - دەپ حابارلادى پوليسيا.
اتالعان فاكتى بويىنشا «توناۋ» بابى بويىنشا سوتقا دەيىنگى تەرگەۋ امالدارى ءجۇرىپ جاتىر. كۇدىكتى ۋاقىتشا ۇستاۋ يزولياتورىنا قامالدى. ۇستالعان ازاماتتىڭ ەلوردادا جاسالعان باسقا دا وسىعان ۇقساس قىلمىستارعا قاتىسى بار- جوعى تەكسەرىلۋدە، دەپ اتاپ ءوتتى ءتارتىپ ساقشىلارى.