قور نارىعىندا دوللار 2,76 تەڭگەگە ارزاندادى

الماتى. قازاقپارات - قازاقستان قور بيرجاسىنداعى (KASE) ساۋدا- ساتتىق قورىتىندىسى بويىنشا، 1 دوللاردىڭ تەڭگەگە قاتىستى باعامى ءتۇستى، دەپ حابارلايدى قازاقپارات ءتىلشىسى.

كۇندىزگى ساۋدا- ساتتىق مالىمەتىنە قاراعاندا، دوللار باعامى 2,76 تەڭگەگە تومەندەپ، 1 دوللار - 443,84 تەڭگە بولدى.

ايتا كەتەيىك، ۇلتتىق بانكتىڭ 5-شىلدەدەگى رەسمي باعامى - 1 دوللار ءۇشىن 446,79 تەڭگە.

Kurs.kz مالىمەتىنشە، الماتىداعى اقشا ايىرباستاۋ پۋنكتەرىندە دوللاردىڭ ساتۋ باعامى - 445 تەڭگە، ساتىپ الۋ - 447 تەڭگە. ال، استانا قالاسى بويىنشا ساتۋ باعامى - 444 تەڭگەدەن بولسا، ساتىپ الۋ - 448.

الماتىدا رەسەي ءرۋبلى 4,95 - 5,10 تەڭگە ارالىعىندا ساۋدالانىپ جاتىر، ال استانادا كورشى ەل ۆاليۋتاسى 4,90 - 5,08 تەڭگە ارالىعىندا ساتىلىمدا.