گەرمانيا بوسقىندارعا كومەككە 2,5 دوللار ميلليارد بولەدى
بۇل تۋرالى نەمىس كانتسلەرى انگەلا مەركەل لوندونداعى دونور ەلدەردىڭ كونفەرەنتسياسى بارىسىندا مالىمدەدى، دەپ حابارلادى www.24.kz.
«سيرياداعى سوعىس 300 مىڭ ادامنىڭ ءومىرىن جالمادى. ميلليونداعان تۇرعىن بوسقىنعا اينالدى. ءبىز ۋاقىت جوعالتپاۋىمىز كەرەك، قازىر ارتىق ءبىر مينۋت تا جوق. ماسەلەنى شەشۋدىڭ ساياسي جولىن تەز ارادا تابۋعا ءتيىسپىز. ادامدارعا كومەك اۋاداي قاجەت. وسى ارادا يوردانيا، ليۆان جانە تۇركيا بيلىكتەرىنە ميلليونداعان سيريالىق بوسقىندى قابىلداعاندارى ءۇشىن راقمەت ايتقىم كەلەدى»، - دەدى گەرمانيا كانتسلەرى انگەلا مەركەل.
لوندوندا سيريا بويىنشا دونور ەلدەردىڭ حالىقارالىق كونفەرەنتسياسى ءوتتى. جيىنعا ب ۇ ۇ، ۇلى بريتانيا، گەرمانيا، كۋۆەيت پەن نورۆەگيا مۇرىندىق بولعان. باسقوسۋعا قاتىسۋشىلار سيريا مەن وعان كورشىلەس مەملەكەتتەردەگى گۋمانيتارلىق وپەراتسيالاردى جۇرگىزۋ ءۇشىن قارجىلاي قولداۋ كورسەتۋ بارىسىن تالقىلادى.