ۇلىتاۋ وبلىسىنا كوشكەن مەمقىزمەتشىلەرگە 2,3 ميلليارد تەڭگەگە پاتەر ساتىپ الىنباق
اشىق نورماتيۆتىك- قۇقىقتىق اكتىلەر پورتالىندا جاريالانعان پرەمەر-ءمينيستردىڭ قاۋلى- جوباسىندا يندۋستريا جانە ينفراقۇرىلىمدىق دامۋ مينيسترلىگىنە 2023 -جىلعا ارنالعان رەسپۋبليكالىق بيۋدجەتتە كوزدەلگەن ق ر ۇكىمەتىنىڭ شۇعىل شىعىندارعا ارنالعان رەزەرۆىنەن ۇلىتاۋ وبلىسىنىڭ اكىمدىگىنە اعىمداعى نىسانالى ترانسفەرتتەر تۇرىندە اۋدارۋ ءۇشىن 2384640000 تەڭگە سوماسىندا قاراجات بولىنەتىندىگى ايتىلعان. بۇل قاراجاتقا قونىس اۋدارعان مەملەكەتتىك قىزمەتشىلەردى قىزمەتتىك ورنالاستىرۋ ءۇشىن كوممۋنالدىق مەنشىككە تۇرعىن ۇيلەر ساتىپ الىنادى.
سونداي-اق قۇجاتتا ۇلىتاۋ وبلىسى اكىمدىگى 2023 -جىلعى 1-جەلتوقسانعا دەيىنگى مەرزىمدە يندۋستريا جانە ينفراقۇرىلىمدىق دامۋ مينيسترلىگىنە بولىنگەن قاراجاتتى نىسانالى پايدالانۋ جونىندە ەسەپ ءۇسىنۋى تيىستىگى جازىلعان. ال يندۋستريا جانە ينفراقۇرىلىمدىق دامۋ مينيسترلىگى 2023 -جىلعى 20 جەلتوقسانعا دەيىنگى مەرزىمدە قارجى مينيسترلىگىنە بولىنگەن قاراجاتتىڭ نىسانالى پايدالانىلۋى جونىندە ەسەپ بەرەدى.
قاۋلى جوباسى 1-قىركۇيەككە دەيىن قوعامدىق تالقىلاۋعا شىعارىلعان.