بۇگىن سەناتتا وتكەن باسپا ءسوز ءماسليحاتىندا تىلشىلەر مينيستردەن رەسەيمەن ارادا دەماركاتسيالانباعان اۋماقتار بويىنشا جۇمىستار قاشان اياقتالاتىنىن سۇرادى.
«قازاقستان مەن رەسەيدىڭ شەكاراسى 7,5 مىڭ شاقىرىمنان استام. ونىڭ 70 پايىزى دەماركاتسيادان، ياعني شەگەندەۋدەن وتكەن. ەندى قالعان 30 پايىزى تاۋلى ايماقتا ورنالاسقان. بۇل تاعى 2-3 جىلداي ۋاقىتتى الادى. ارينە، ەكى جاقتان مەجەلەۋ پروتسەسى بىتكەن. شەكارا قاي جەردەن وتەتىنىن ناقتى ءبىلىپ وتىرمىز. تەك شەگەندەۋ پروتسەسى قالدى»، - دەدى مۇحتار تىلەۋبەردى.
سونىمەن قاتار، ول كاسپي تەڭىزىندەگى شەكارا ماسەلەسىنە قاتىستى پىكىر ءبىلدىردى.
«تۋرا وسىنداي شارتتى رەسەيمەن دايىنداپ وتىرمىز. كاسپي تەڭىزىنىڭ جاعالاۋىنداعى 5 مەملەكەت باستاپقى تىك سىزىقتار ماسەلەسىن تالقىلاپ جاتىر»، - دەدى مينيستر.
بۇدان بۇرىن حابارلانعانداي، بۇگىن سەناتتىڭ جالپى وتىرىسىندا «قازاقستان مەن تۇرىكمەنستان اراسىنداعى كاسپي تەڭىزىندەگى قازاقستان- تۇرىكمەنستان مەملەكەتتىك شەكاراسىن مەجەلەۋ جانە بالىق اۋلاۋ ايماقتارىنىڭ شەكتەس ۋچاسكەلەرىن ءبولۋ تۋرالى شارتتى راتيفيكاتسيالاۋ تۋرالى» زاڭ قابىلداندى.
اۆتور
رۋسلان عابباسوۆ