قازاقستاندا ءداندى داقىلدار اۋرۋلارى 2,3 ميلليون گەكتار القاپتا تارالۋى مۇمكىن
بۇل تۋرالى ق ر ا ش م باسپا ءسوز قىزمەتىنەن «قازاقپارات» ساۋالىنا بەرگەن جاۋابىندا حابارلاندى.
«اعىمداعى جىلعى كليماتتىق جاعداي (جاۋىن- شاشىن) ءداندى داقىلدارى اۋرۋلارىنىڭ تارالۋىنا قولايلى بولىپ تۇر. 2016 -جىلعى 1- تامىزداعى جاعداي بويىنشا ءداندى داقىلدارى اۋرۋلارى بويىنشا 2157,3 مىڭ گەكتار ەگىستىك وڭدەلدى. ونىڭ ىشىندە اقمولا وبلىسىندا 743,8 مىڭ گەكتار، شىعىس قازاقستان وبلىسىندا 43,4 مىڭ گەكتار، قاراعاندى وبلىسىندا 8,2 مىڭ گەكتار، قوستاناي وبلىسىندا 524,5 مىڭ گەكتار، سولتۇستىك قازاقستان وبلىسىندا 834,8 مىڭ گەكتار اۋماق قامتىلدى»، - دەپ اتاپ وتىلگەن مينيسترلىكتىڭ مالىمەتىندە.
سونىمەن قاتار اۋىل شارۋاشىلىعى تاۋارلارىن وندىرۋشىلەر قارجىسى ەسەبىنەن 2036,5 مىڭ گەكتار جەر وڭدەلدى. بيىلعى 1 -تامىزداعى جاعداي بويىنشا فەرمەرلەردە 39,717 مىڭ گەكتار القاپتا قورعانىس شارالارىن جۇرگىزۋگە جەتكىلىكتى فۋنگيتسيدتەرى بار. مۇنىمەن قوسا، رەسپۋبليكالىق بيۋدجەت ەسەبىنەن 127,5 مىڭ گەكتار جەر وڭدەلەدى.
اۋىل شارۋاشىلىعى تاۋارلارىن وندىرۋشىلەردى قولداۋ ماقساتىندا گەربيتسيدتەردى ساتىپ الۋ شىعىندارىن ازايتۋ ءۇشىن ونىڭ قۇنىن 50 پايىز كولەمىندە سۋبسيديالاۋ قاراستىرىلعان.
«قازاقستاندا ءداندى داقىلدار كوپتەگەن اۋرۋلارعا شالدىعادى. وسى اۋرۋلار كەڭىنەن تارالعان جىلداردا استىق شىعىمدىلىعى 10-15 پايىزعا دەيىن، ال حيميالىق وڭدەۋ شارالارى جۇرگىزىلمەسە، ودان كوپ تومەندەۋى مۇمكىن»، - دەيدى مينيسترلىك ماماندارى.
«رەسپۋبليكالىق فيتوسانيتارلىق دياگنوستيكا جانە بولجامدار ادىستەمەلىك ورتالىعى» م م مالىمەتى بويىنشا 2016 -جىلى قازاقستان اۋماعىندا ءداندى داقىلدارى اۋرۋلارى 2365,793 مىڭ گەكتار جەرگە تارالۋى بولجانىپ وتىر. اعىمداعى جىلعى كليماتتىق جاعداي (جاۋىن- شاشىن) ءداندى داقىلدارى اۋرۋلارىنىڭ تارالۋىنا قولايلى بولىپ تۇر. 2016 -جىلعى 1 -تامىزداعى جاعداي بويىنشا ءداندى داقىلدارى اۋرۋلارى بويىنشا 2157,3 مىڭ گەكتار ەگىستىك وڭدەلدى. ونىڭ ىشىندە اقمولا وبلىسىندا 743,8 مىڭ گەكتار، شىعىس قازاقستان وبلىسىندا 43,4 مىڭ گەكتار، قاراعاندى وبلىسىندا 8,2 مىڭ گەكتار، قوستاناي وبلىسىندا 524,5 مىڭ گەكتار، سولتۇستىك قازاقستان وبلىسىندا 834,8 مىڭ گەكتار اۋماق قامتىلدى.
اۆتور: رۋسلان عابباسوۆ