ول نارىندىق الىپتىڭ جاعدايىن ءبىلۋ ءۇشىن كۇنىنە ەكى رەت بارادى.
بۇل تۋرالى سارسەنبى كۇنى ق ر دەنساۋلىق ساقتاۋ مينيسترلىگىنە سىلتەمە جاساعان كيرتاگ حابارلايدى.
«27- مامىردا نارىن وبلىستىق بىرلەسكەن اۋرۋحاناسىنىڭ حيرۋرگ، ەندوكرينولوگ جانە تەراپيەۆت دارىگەرلەرى قىرعىز رەسپۋبليكاسىنىڭ ەڭ بيىك ادامى - جەڭىشبەك رايىمبايەۆتى تەكسەردى. ول دەنساۋلىق جاعدايى بويىنشا ستاتسيونارلىق ەمدەۋگە مۇقتاج. ءبىراق پاتسيەنتتىڭ جاقىندارى ونى اۋرۋحاناعا جاتقىزۋ ۇسىنىسىنان باس تارتتى. وسىعان بايلانىستى اۋرۋحانا باسشىلىعى وعان كۇنىنە ەكى رەت باراتىن مەديتسينالىق قىزمەتكەرلەردى ءبولدى»، - دەپ حابارلادى ەلدىڭ دەنساۋلىق ساقتاۋ مينيسترلىگىنەن.
جەڭىشبەك رايىمبايەۆ - عالامشارداعى بويى ەڭ ۇزىن ادامداردىڭ ءبىرى. ونىڭ بويى - 2 مەتر 32 سانتيمەتر (باسقا مالىمەتتەر بويىنشا، 2 مەتر 36 سانتيمەتر). 1979-جىلعى 23- مامىر كۇنى نارىن وبلىسىنداعى اقدالا اۋدانىنىڭ اققيا اۋىلىندا دۇنيەگە كەلگەن.