استانادا 2- شىلدە كۇنى «قازاقستان بارىسى-2017» وتەدى

استانا. قازاقپارات - قازاقستان رەسپۋبليكاسى تۇڭعىش پرەزيدەنتىنىڭ جۇلدەسى ءۇشىن قازاق كۇرەسىنەن «قازاقستان بارىسى-2017» يەگەرى 2- شىلدە كۇنى بەلگىلى بولادى، دەپ حابارلايدى قازاقپارات ءتىلشىسى.

وسىمەن 7-مارتە جالاۋى جەلبىرەيتىن دوداعا ەلىمىزدىڭ 14 وبلىسى مەن استانا جانە الماتى قالالارىنان ىرىكتەلگەن 34 بالۋان جۇلدەلى ورىندار ءۇشىن بەلدەسپەك.

جارىستىڭ جۇلدە قورى - 50 ميلليون تەڭگە. ايتالىق، بالۋاندار ءار بەلدەسۋدەگى جەڭىس ءۇشىن - 100000 تەڭگە كولەمىندە سىياقى الىپ وتىرسا، جارىس سوڭىندا باس جۇلدەنى جەڭىپ العان بالۋان 25 ميلليون تەڭگەنى قالتاسىنا باسادى، ال باپكەرى 3,5 ميلليون تەڭگە سىياقى الادى.

ەكىنشى ورىنعا يە بولعان بالۋان 5,5 ميلليون تەڭگەمەن ماراپاتتالسا، باپكەرى 1,8 ميلليون تەڭگەگە يە بولادى.

ۇزدىك ۇشتىكتى تۇيىندەگەن بالۋاننىڭ قالتاسى 1,8 ميلليون تەڭگەگە تولىقسا، باپكەرى 900 مىڭ تەڭگەنى قانجىعاسىنا بايلايدى.

بۇل تۋرنيردە بالۋاندار عانا ەمەس، كورەرمەندەر مەن جانكۇيەرلەر دە سىيلىقسىز قالمايدى. «قازاقستان بارىسىنىڭ» فينالدىق باسەكەسىنە كىرۋ بيلەتتەرى بويىنشا «Renault Logan» ماركالى اۆتوكولىگى ويناتىلادى. بيلەتتەر باعاسى 500 تەڭگە مەن 5 مىڭ تەڭگە ارالىعىندا ساتىلىمعا شىقتى.

جارىس 2- شىلدە كۇنى 13:00 دە باستالادى. ونى «قازاقستان» جانە «Kazsport» ارنالارى تىكەلەي ەفيردە كورسەتەدى.

بيىل فينالدىق كەزدەسۋلەر «بارىس ارەنادا» وتەدى. سوڭعى جىلدارى جارىس «سارىارقا» ۆەلوترەگىندە جانە «داۋلەت» سپورت كەشەنىندە ءوتىپ كەلگەن بولاتىن.

2- شىلدە كۇنى بوز كىلەمدە مىنا بالۋاندار سىنعا تۇسەدى:

1. بەكبول نۇرلان ۇلى، اقمولا وبلىسى

2. داۋلەت ءاشىرحانوۆ، اقمولا وبلىسى

3. شىڭعىس شوقپىتوۆ، اقتوبە وبلىسى

4. نۇربەك دوسماعانبەتوۆ، اقتوبە وبلىسى

5. الەكساندر كاساچيەۆ، الماتى وبلىسى

6. ۇلان رىسقۇل، الماتى وبلىسى

7. كەنجەبەك كۇزەمبايەۆ، اتىراۋ وبلىسى

8. ارمان قاليەۆ، اتىراۋ وبلىسى

9. ەرنازار حامزين، باتىس قازاقستان وبلىسى

10. تەمىرلان كولباي، باتىس قازاقستان وبلىسى

11. ايبول ايتبەك، جامبىل وبلىسى

12. اباي ەربول ۇلى، جامبىل وبلىسى

13. اسىل بارمەنوۆ، قاراعاندى وبلىسى

14. ەرجان شىنكەيەۆ، قاراعاندى وبلىسى

15. ماقسات يساعابىلوۆ،  قىزىلوردا وبلىسى

16. نۇرىم سالىمگەرەيەۆ،  قىزىلوردا وبلىسى

17. ەرلان وماروۆ، قوستاناي وبلىسى

18. ابىلايحان قاسىمحان، قوستاناي وبلىسى

19. نۇرداۋلەت جارىلعاپوۆ، ماڭعىستاۋ وبلىسى

20. مەيرامبەك جاڭاباي، ماڭعىستاۋ وبلىسى

21. ءادىلجان ىستىبايەۆ، وڭتۇستىك قازاقستان وبلىسى

22. جولداسبەك بەكتۇرسىنوۆ، وڭتۇستىك قازاقستان وبلىسى

23. ادىلەت نۇرپەيىسوۆ، پاۆلودار وبلىسى

24. سامير مامەدوۆ، پاۆلودار وبلىسى

25. التىنبەك اۋساعيتوۆ، سولتۇستىك قازاقستان وبلىسى

26. عيزات قالىقوۆ، سولتۇستىك قازاقستان وبلىسى

27. ايبەك نۇعىماروۆ، شىعىس قازاقستان وبلىسى

28. مۇحيت تۇرسىنوۆ، شىعىس قازاقستان وبلىسى

29. رۋسلان ءابدىرازاقوۆ، الماتى قالاسى

30. داۋرەن نۇرالينوۆ، الماتى قالاسى

31. دارحان بيجانوۆ، استانا قالاسى

32. ايبات سەيتەن، استانا قالاسى

33. ەلامان ەرعاليەۆ، اسكەر بارىسى

34. ولجاس شىنكەيەۆ، اسكەر بارىسى

ەستەرىڭىزگە سالا كەتەيىك، بيىلعى تۋرنيردىڭ فينالىندا ءۇش رەت «قازاقستان بارىسى» اتانعان بەيبىت ىستىبايەۆ ونەر كورسەتپەيدى. ول بيىل ءوز ەركىمەن جارىستان باس تارتتى. الايدا، جارىستىڭ كورىگىن ۇلان رىسقۇل، ايبەك نۇعىماروۆ جانە مۇحيت تۇرسىنوۆ سياقتى باسقا دا جەڭىمپاز بالۋاندار قىزدىرارى ءسوزسىز...

اۆتور: كۇنسۇلتان وتارباي