قازاقستان وزبەكستانعا 2,1 ميلليون توننا اۋىل شارۋاشىلىعى ونىمدەرىن جەتكىزەدى
تاشكەنتتەگى بيزنەس-فورۋم اياسىندا ەكى ەلدىڭ اۋىل شارۋاشىلىعى مينيسترلەرى ىنتىماقتاستىقتىڭ ءتيىستى باعدارلاماسىنا قول قويدى. سالاداعى ءوزارا ءىس-قيمىل ماسەلەلەرى قازاقستان پرەزيدەنتىنىڭ وزبەكستانعا مەملەكەتتىك ساپارى اياسىندا تالقىلاندى.
ق ر ا ش م باسشىسى ەربول قاراشوكەيەۆتىڭ ايتۋىنشا، 2025 -جىلعا دەيىن قۇنى 193,1 ميلليون دوللار بولاتىن 12 ينۆەستيتسيالىق جوبانى ىسكە اسىرۋ جانە 1,2 ميلليارد دوللارعا 2,1 ميلليون توننا اۋىل شارۋاشىلىعى ونىمدەرىن، ونىڭ ىشىندە كارتوپ، كوكونىس، ەت جانە ەت ونىمدەرىن جەتكىزۋدى ۇيىمداستىرۋ جوسپارلانىپ وتىر.
«ەگەر ەكى ەل اراسىنداعى ا و ك ءونىمى بويىنشا ساۋدا اينالىمىنىڭ ستاتيستيكاسىنا قاراساق، قازاقستان مەن وزبەكستاننان جەتكىزىلىمدەر تۇراقتى تۇردە جۇزەگە اسىرىلىپ جاتقانىن كورەمىز. ءبىز ازىق-تۇلىك قاجەتتىلىكتەرىن ءوزارا تولىقتىرىپ وتىرامىز. ماڭىزدى ماسەلەلەردىڭ ءبىرى - تاريفتەردى، ونىڭ ىشىندە ترانزيتتىك تاريفتەردى تومەندەتۋ، ساۋدا جانە ترانزيت راسىمدەرىن وڭايلاتۋ، ءبىر- بىرىنە قاتىستى اشىق ساۋدا ساياساتىن قولدانۋ ارقىلى تاۋار اينالىمىن ۇلعايتۋ ءۇشىن قولايلى جاعدايلار جاساۋ بولىپ تابىلادى»، - دەدى ەربول قاراشوكەيەۆ ەكى ەل پرەزيدەنتتەرىنىڭ كەزدەسۋى كەزىندە.
ايتا كەتەيىك، قازاقستان مەن وزبەكستان اراسىنداعى اۋىل شارۋاشىلىعى تاۋارلارى اينالىمى وڭ كورسەتكىشتەردى كورسەتىپ وتىر، ماسەلەن بيىلعى 10 ايدا 1 عا ءوسىپ، 1,4 ميلليارد دوللاردان استى. قازاقستاننان ەكسپورتتىڭ كولەمى 1,165 ميلليارد دوللاردان استى. وتاندىق اۋىل شارۋاشىلىعى تاۋارىن وندىرۋشىلەر وزبەكستانعا نەگىزىنەن بيداي، كۇنباعىس مايى، ۇن جانە ءىقم ەتى، سونداي-اق ماكارون ونىمدەرى مەن كارتوپ ساتادى. وزبەك تاراپى قازاقستانعا 233,7 ميلليون دوللارعا جەمىس پەن كوكونىستەردى ساتتى.