قازاقستاننىڭ كومىر ەكسپورتى 2,1 ەسەگە ارتقان

نۇر- سۇلتان. قازاقپارات - جەتى ايدىڭ ىشىندە بيۋدجەتتىك ۇيىمدار مەن قاراپايىم تۇرعىندار 4,5 ميلليون توننا كومىر ساتىپ العان. بۇل تۋرالى قازاقپارات Energyprom.kz سايتىنا سىلتەمە جاساپ حابارلايدى.

« قاڭتار- شىلدە ارالىعىندا قازاقستان بويىنشا 66,4 ميلليون توننا تاسكومىر، ليگنيت جانە كومىر كونسەنتراتى وندىرىلگەن. ونىڭ % 92,6- ى تاسكومىر - 61,5 ميلليون توننا. بۇل 2021 - جىلدىڭ التى ايىمەن سالىستىرعاندا % 5,8 كوپ.

قازىلعان كومىردىڭ 39 ميلليون تونناسى پاۆلودار وبلىسىنا تيەسىلى. مۇندا ءوندىرىس كولەمى بىلتىرعىدان % 5 كوپ. ال قاراعاندى وبلىسىنىڭ ۇلەسىنە 21,3 ميلليون توننا تيەسىلى»، - دەپ جازادى Energyprom.kz.

اناليتيكالىق رەسۋرستىڭ جازۋىنشا، قازىلعان تاسكومىردىڭ % 30- عا جۋىعى، ياعني 16,4 ميلليون تونناسى (457,4 ميلليون دوللار) ەكسپورتقا كەتكەن. ەكسپورت كولەمى بىلتىرعىدان % 20,8، اقشالاي ەسەپتەگەن 2,1 ەسە ارتقان.

«قازاقستان كومىرىن يمپورتتاۋشى ەلدەردىڭ باسىم بولىگى ت م د اياسىنداعى مەملەكەتتەر. 16,4 ميلليون توننانىڭ 10,9 ميلليون تونناسىن (156,2 ميلليون دوللار) ساتىپ العان. ونىڭ % 62,2- ى رەسەي فەدەراتسياسىنا كەتكەن. ودان كەيىن قىرعىز رەسپۋبليكاسى مەن وزبەكستان ەلدەرى يمپورتتاۋشى بولىپ وتىر.

ت م د- دان تىس ەلدەردىڭ ىشىندە شۆەيتساريا 3,7 ميلليون توننا كومىر ساتىپ العان.

ق ر يندۋستريا جانە ينفراقۇرىلىمدىق دامۋ مينيسترلىگىنىڭ جوسپارى بويىنشا، ەلدىڭ كومىر تۇتىنۋ كولەمى 9,6 ميلليون تونناعا جەتەدى. ونىڭ ىشىندە 2,6 ميلليون تونناسى كوممۋنالدىق- تۇرمىستىق سالاعا تيەسىلى. ال 7 ميلليون تونناسىن حالىق تۇتىنادى. 7 ايدىڭ ىشىندە حالىق پەن بيۋدجەتتىك ۇيىمدار 4,5 ميلليون توننا ءتۇسىرىپ العان»، - دەپ جازىلعان ساراپتامادا.

اۆتور

ەسىمجان ناقتىباي