ۇلتتىق بانك اينالىمنان 2,1 تريلليون تەڭگەنى الىپ تاستادى
«2017 -جىلدىڭ قاڭتارىنان، قارجى مينيسترلىگى قارجى نارىعىنىڭ قاتىسۋشىلارى اراسىندا مەملەكەتتىك باعالى قاعازداردى ورنالاستىرا باستادى. 2015 -جىلدىڭ قازان ايىنان العاش رەت قارجى مينيسترلىگى بارلىق قاتىسۋشىلار ءۇشىن قارجى نارىعىنداعى جاعدايعا ساي كەلەتىن مەملەكەتتىك باعالى قاعازداردى شىعاردى. سوڭعى كەزدە ينفلياتسيامەن سايكەس كەلەتىن مەملەكەتتىك باعالى قاعازدار تەك ءبىرىڭعاي جيناقتاۋشى زەينەتاقى قورى ءۇشىن شىعارىلىپ كەلگەن بولاتىن. 2017 -جىلدىڭ 1,5 ايىندا 144,4 ميلليارد تەڭگە شىعارىلدى»، - دەدى ۇلتتىق بانك باسشىسى دانيار اقىشيەۆ بريفينگ بارىسىندا.
ول سونىمەن قاتار 2016 -جىلدىڭ سوڭىندا رەتتەۋشى ورگان مەملەكەتتىك باعالى قاعازداردى 5 جىلعا دەيىنگى مەرزىمگە بەرە باستاعاندىعىن ەسكە سالدى، بۇل ءوز كەزەگىندە قارجى مينيسترلىگىنە ورتامەرزىمدى قارىز قاراجاتتىڭ قۇنىنا قاتىستى باعىت بەردى.
جالپى، قاڭتار ايىنىڭ سوڭىنداعى جاعداي بويىنشا، ۇلتتىق بانك اينالىمنان 2,1 تريلليون تەڭگەنى شىعاردى. قىسقامەرزىمدى نوتالاردىڭ اينالىمداعى كولەمى 2,8 تريلليون تەڭگەگە جەتتى.
اقشالاي نارىقتىڭ ستاۆكالارى بەكىتىلگەن ءدالىزدىڭ شەڭبەرىندە قالۋدا. 2017 -جىلدىڭ 17 - اقپانىندا رەپو ءبىرمەزگىلدى وپەراتسيالارىنىڭ ستاۆكاسى 11,11 پايىزدى قۇرادى.
«وسىلايشا، ۇلتتىق بانك ينفلياتسيا بويىنشا ماقساتتار مەن ماكروەكونوميكالىق تۇراقتىلىق اراسىنداعى تەپە- تەڭدىكتى ساقتاۋدا، بۇل تۇپتەپ كەلگەندە، ەكونوميكالىق وسىمگە وڭ اسەرىن بەرەدى. 2016 -جىلدىڭ سوڭىنداعى جانە 2017 -جىلدىڭ قاڭتارىنداعى ەكونوميكالىق بەلسەندىلىك ءبىرشاما ارتتى»، - دەيدى ۇلتتىق بانك باسشىسى.
اۆتور: جاسۇلان جولدىبايەۆ