ەلىمىزدە 1-قىركۇيەكتەن باستاپ قاي سالا ماماندارىنىڭ جالاقىسى وسەدى

استانا. قازاقپارات - پرەمەر-مينيستر ءاليحان سمايىلوۆ ءبىرقاتار سالا ماماندارىنىڭ جالاقىسىن كوتەرۋدى كوزدەيتىن ۇكىمەت قاۋلىسىنا قول قويدى، دەپ حابارلايدى قازاقپارات ءتىلشىسى.

«پەداگوگتەردىڭ جەكەلەگەن ساناتتارى ءۇشىن لاۋازىمدىق ايلىق (ل ا) (تاريفتىك مولشەرلەمەلەرى) اپتاسىنا بەلگىلەنگەن وقۋ جۇكتەمەسىن نەگىزگە الا وتىرىپ ايقىندالادى. زاڭناماعا سايكەس ەرەكشە مارتەبە بەرىلگەن مەملەكەتتىك جوعارى وقۋ ورىندارىنىڭ ماماندارى مەن قىزمەتشىلەرىنىڭ لا ارتتىرۋ كوەففيتسيەنتىن قولدانا وتىرىپ ايقىندالادى»، - دەلىنگەن قاۋلىدا.

جوعارى جانە جوعارى وقۋ ورنىنان كەيىنگى ءبىلىم وردالارىن قوسپاعاندا، ەندى ءبىلىم بەرۋ ۇيىمدارى پەداگوگتەرىنىڭ لاۋازىمدىق ايلىعى مىنا كوەففيتسيەنت نەگىزىندە ەسەپتەلەدى:

- 2020 -جىلدىڭ 1-قاڭتارىنان باستاپ 1,25 مولشەرىندە؛

- 2021 -جىلدىڭ 1-قاڭتارىنان باستاپ 1,5 مولشەرىندە؛

- 2022 -جىلدىڭ 1-قاڭتارىنان باستاپ 1,75 مولشەرىندە؛

- 2023 -جىلدىڭ 1-قاڭتارىنان باستاپ 2 مولشەرىندە.

ال بالاباقشا ماماندارىنىڭ جالاقىسى كەلەسى كوەففيتسيەنتتەردى قولدانا وتىرىپ ەسەپتەلەدى:

- 2023 -جىلدىڭ 1-قىركۇيەگىنەن باستاپ 1,3 مولشەرىندە.

ستاتسيونارلىق جانە جارتىلاي ستاتسيونارلىق ۇلگىدەگى مەديتسينالىق الەۋمەتتىك مەكەمەلەردىڭ، ۇيدە قىزمەت كورسەتۋ، ۋاقىتشا بولۋ ۇيىمدارىنىڭ، جۇمىسپەن قامتۋ ورتالىقتارىنىڭ باسقارۋشى، نەگىزگى پەرسونالى جۇمىسكەرلەرىنىڭ جالاقىسى بولسا بىلايشا ەسەپتەلمەك:

- 2021 -جىلدىڭ 1-قاڭتارىنان باستاپ 1,5 مولشەرىندە؛

- 2022 -جىلدىڭ 1-قاڭتارىنان باستاپ 1,75 مولشەرىندە؛

- 2023 -جىلدىڭ 1-قاڭتارىنان باستاپ 2 مولشەرىندە.

مەديتسينا جانە فارماتسيەۆتيكا جۇمىسكەرلەرىنىڭ (ا بلوگىنىڭ باسقارۋشى پەرسونالى، ۆ1، ۆ2 بلوگتارىنىڭ نەگىزگى پەرسونالى) لاۋازىمدىق ايلىعى دا وسەدى:

- 2021 -جىلدىڭ 1-قاڭتارىنان باستاپ 2,02 مولشەرىندە؛

- 2022 -جىلدىڭ 1-قاڭتارىنان باستاپ 2,63 مولشەرىندە؛

- 2023 -جىلدىڭ 1-قاڭتارىنان باستاپ 2,73 مولشەرىندە.

سونىمەن قاتار بىلىكتىلىگى جوعارى جانە ورتا دەڭگەيدەگى ماماندارعا (ۆ3، ۆ4 بلوگتارىنىڭ نەگىزگى پەرسونالى):

- 2021 -جىلدىڭ 1-قاڭتارىنان باستاپ 1,63 مولشەرىندە؛

- 2022 -جىلدىڭ 1-قاڭتارىنان باستاپ 1,95 مولشەرىندە؛

- 2023 -جىلدىڭ 1-قاڭتارىنان باستاپ 2,05 مولشەرىندە.

بۇعان قوسا، «ۇلتتىق» مارتەبەسى بار مەملەكەتتىك مادەنيەت ۇيىمدارى، جەكەلەگەن كاسىبي كوركەم، شىعارماشىلىق ۇجىمداردىڭ ازاماتتىق قىزمەتشىلەرىنىڭ، جۇمىسكەرلەرىنىڭ لاۋازىمدىق جالاقىسى 1,75 مولشەرىندە ارتتىرۋ كوەففيتسيەنتىن قولدانا وتىرىپ ەسەپتەلەدى.

ال، ىشكى ىستەر ورگاندارى جانە قورعانىس مينيسترلىگىنىڭ جوعارى جانە جوعارى وقۋ ورنىنان كەيىنگى ءبىلىم بەرۋ ۇيىمدارى پەداگوگتەرىنىڭ ايلىعى مىنا كوتەرمە كوەففيتسيەنتتەردى ەسكەرە وتىرىپ وسەدى:

2023 -جىلدىڭ 1-قاڭتارىنان باستاپ 2,32 مولشەرىندە؛

2024 -جىلدىڭ 1-قاڭتارىنان باستاپ 2,74 مولشەرىندە؛

2025 -جىلدىڭ 1-قاڭتارىنان باستاپ 3,2 مولشەرىندە.

«وسى قاۋلى 2023 -جىلعى 1-قىركۇيەكتەن باستاپ قولدانىسقا ەنگىزىلەدى جانە رەسمي جاريالانۋعا ءتيىس»، - دەپ جازىلعان ۇكىمەت باسشىسى ءاليحان سمايىلوۆ قول قويعان قاۋلىدا.