تۇركىستان وبلىسىندا قانشا بالا 1-سىنىپقا باراتىنى بەلگىلى بولدى
جاڭا وقۋ جىلىنان باستاپ وبلىستاعى 1-4-سىنىپتا وقيتىن 188 مىڭعا جۋىق بالا ءبىر مەزگىل ىستىق تاماقپەن قامتىلادى.
وبلىستا سالىنىپ جاتقان 33 مەكتەپتىڭ بەسەۋى 1-قىركۇيەكتە تاپسىرىلسا، جىل سوڭىنا دەيىن 14 ى جانە 2024 -جىلى 14 مەكتەپ پايدالانۋعا بەرىلەدى، دەپ حابارلايدى قازاقپارات.
جاڭا وقۋ جىلىنا دايىندىق بارىسى تۇركىستان وبلىسىنىڭ اكىمى دارحان ساتىبالدىنىڭ توراعالىعىمەن وتكەن اپپارات وتىرىسىندا تالقىلاندى. ءبىلىم سالاسىنا قاتىستى ماسەلەلەر وبلىس اكىمىنىڭ جىگى باقىلاۋىندا. ءوڭىر باسشىسى وبلىستاعى جالپى ءبىلىم بەرۋ مەكەمەلەرىنىڭ قاۋىپسىزدىگى مەن جىلۋ ماۋسىمىنا دايىندىعىن كۇشەيتۋدى تاپسىردى. سونداي-اق كۇردەلى جوندەۋ جۇمىستارىنىنىڭ ۋاقىتىلى اياقتالۋىن ءجىتى قاداعالاۋدى جۇكتەدى. ءبىلىم بەرۋ وشاقتارىنىڭ جاڭا وقۋ جىلىنا تولىق دايىن بولۋىن، بارلىق بالاباقشا، مەكتەپكە اۆتوبۋس تاسىمالداۋى جايىندا تاپسىرمالار بەردى.
وبلىستاعى مەملەكەتتىك 1 مىڭ ءبىلىم بەرۋ مەكەمەلەرى 0 دابىل باتىرمالارىمەن قامتىلىپ، پوليتسيا دەپارتامەنتىنىڭ جەدەل باسقارۋ ورتالىعىنا قوسىلعان. كاسىبي كۇزەت قىزمەتىمەن قامتاماسىز ەتىلۋى ءتيىس ءبىلىم بەرۋ ۇيىمدارى كۇزەت فيرمالارىمەن كەلىسىم-شارتقا تۇرۋدا. قاجەتتىككە بايلانىستى بەرۋ ۇيىمدارىنىڭ قورشاۋى جاڭارتىلۋدا. ىشكى اجەتحاناسىن رەتكە كەلتىرۋى ءتيىس 89 مەكتەپتە كارىز جۇيەسىن رەتكە كەلتىرۋى جۇمىستارى جۇرگىزىلىپ جاتىر.
«بالالارىمىزدىڭ ساپالى ءبىلىم الۋ ءۇشىن بارلىق جاعداي جاسالۋى ءتيىس. ءبىلىمدى ۇرپاق - ءبىزدىڭ باستى قۇندىلعىمىز. سوندىقتان وقۋدىڭ بارلىق كەزەڭىندە بالالارعا قولايلى جاعداي جاساۋ - ءبىزدىڭ نەگىزگى مىندەتىمىز. جاڭا وقۋ جىلىنا دايىندىق، مەكتەپكە تاسىمالداۋ، ءبىلىم ۇيالارىنىڭ جىلىتۋ ماۋسىمىنا دايىندىعى قاتاڭ باقىلاۋدا»، - دەدى وبلىس اكىمى.
28 مەكتەپتىڭ جىلۋ جۇيەسى گازعا ءوتتى. بۇل جۇمىستارعا 70 مەكتەپكە بيۋدجەتتەن 1 ميلليارد 665 ميلليون تەڭگە قارجى قارالعان. ءبىلىم بەرۋ مەكەمەلەرىنىڭ جىلىتۋ جۇيەلەرىنە گيدراۆليكالىق سىعىمداۋدان وتكىزىلىپ جاتىر. وسى جانە تاعى باسقا اتقارىلىپ جاتقان جۇمىستار بويىنشا وبلىس اكىمىنىڭ ورىنباسارى بەيسەنباي تاجىبايەۆ بايانداما جاسادى.
«جاڭا وقۋ جىلىنان باستاپ وبلىستاعى 1-4-سىنىپتا وقيتىن 187832 بالا ءبىر رەتتىك ىستىق تاماقپەن قامتاماسىز ەتىلەدى. بۇعان وبلىستىق بيۋدجەتتەن 6 ميلليارد 197 ميلليون تەڭگە قارجى قارالعان. وبلىستا جالپى 33 مەكتەپتىڭ قۇرىلىسى جۇرگىزىلۋدە. بيىل 1-قىركۇيەكتە 5 مەكتەپ تاپسىرىلسا، جىل سوڭىنا دەيىن 14 ى جانە 2024 -جىلى 14 مەكتەپ پايدالانۋعا بەرىلەدى. سونىمەن قاتار وبلىستا 21 مەكتەپكە كۇردەلى جوندەۋ جۇمىستارى جۇرگىزىلۋدە. مەرزىمىندە اياقتاماعان مەردىگەر كومپانيالارعا زاڭناما تالاپتارىنا سايكەس شارا كورىلەدى. سونىڭ ءبىرى سارىاعاش اۋدانىنداعى، №16-پانفيلوۆ اتىنداعى جالپى ورتا مەكتەبىندە كۇردەلى جوندەۋ جۇمىستارىنا جاۋاپتى مەردىگەر «شاڭىراق-21» ج ش س-ىنە 200 ايلىق ەسەپتىك كورسەتكىشتە ايىپپۇل سالىندى»، - دەدى وبلىس اكىمىنىڭ ورىنباسارى.
وبلىس بويىنشا 180 ەلدى مەكەندە 15225 بالا مەكتەپكە تاسىمالدانادى. «بالالار جىلى» اياسىندا مەملەكەت باسشىسىنىڭ تاپسىرماسىمەن وبلىس مەكتەپتەرىنە ليزينگ تاسىلىمەن «ونەركاسىپتى دامىتۋ قورى» ا ق-ى ارقىلى 101 جاڭا زاماناۋي اۆتوبۋستار الىندى. ولار 101 مەكتەپكە جەتكىزىلدى. جاڭا وقۋ جىلىندا وقۋشىلار تاسىمالى مەملەكەت تەڭگەرىمىندەگى 120 جانە مەردىگەر فيرما مەنشىگىندەگى 68 اۆتوبۋسپەن ۇيىمداستىرىلادى.
الەۋمەتتىك وسال توپتاعى وتباسى بالالارى ءۇشىن مەكتەپ فورماسى جانە وقۋ قۇرالدارىن الۋعا وبلىستىق بيۋدجەتتەن 1 ميلليارد 316 ميلليون تەڭگە قارجى ءبولىندى. وسى ساناتتاعى 32455 بالاعا 40567 تەڭگەدەن قارالىپ، اتا-انالارىنىڭ شوتتارىنا قارجىلاي اۋدارىم جاسالدى. رەسپۋبليكالىق «مەكتەپكە جول» اكسياسى ۇيىمداستىرىلىپ، 10 مىڭنان استام وقۋشى قامتىلادى.
وتىرىستا تۇركىستان وبلىسى ءبىلىم سالاسىندا ساپانى قامتاماسىز ەتۋ دەپارتامەنتى باسشىسى عالىمجان الماتوۆ جاڭا وقۋ جىلىنا دايىندىق جۇمىستارى بويىنشا جۇرگىزىلگەن مونيتورينگ قورىتىندىسىن باياندادى. مونيتورينگ بارىسىندا ءبىلىم بەرۋ ۇيىمدارىنداعى ينتەرنەت، كۇردەلى جانە اعىمداعى جوندەۋ، قاۋىپسىزدىك، جىلى سانيتارلىق توراپتار (اجەتحانالار)، سپورت زالدارى، اسحانالار، پاندىك كابينەتتەر، روبوتوتەحنيكا كابينەتتەرى سياقتى ماسەلەلەر قامتىلدى.