بيىل ەلوردا اۋماعىنا 1 ميلليون ءتۇپ جاسىل جەلەك ەگىلەدى
«بيىل اكىمدىك الەمنىڭ دامىعان «جاسىل قالالارىنىڭ» ۇلگىسى بويىنشا 5 جىل ىشىندە استانانى «باق قالاعا» اينالدىرۋ بويىنشا ۇلكەن جۇمىس باستادى. الداعى 5 جىلعا ارنالعان نۇكتەلىك ستراتەگيانى ودان ءارى بەكىتە وتىرىپ، استانا اۋماعىن كوگالداندىرۋ جونىندەگى تۇجىرىمداما (بۇدان ءارى - تۇجىرىمداما) ازىرلەندى. ول «2030-جىلعا دەيىن قالانىڭ قوعامدىق كەڭىستىگىن دامىتۋ جانە كوگالداندىرۋ سحەماسى» جوباسىمەن (جىل سايىن ناقتى كوگالداندىرىلعان كوشەلەردى، ساياباقتاردى، سكۆەرلەردى، وتىرعىزۋ مەرزىمدەرىن، جاسىل ەكپەلەردىڭ تۇرلىك قۇرامىن جانە ت. ب. كورسەتە وتىرىپ) تولىقتىرىلاتىن بولادى. تۇجىرىمداما ادامنىڭ ۋربانيزاتسيالانعان ورتادا قولجەتىمدى جانە جايلى بولۋىنا باعىتتالعان قالالىق ورتانى وڭتايلاندىرۋدىڭ زاماناۋي تاسىلدەرى مەن ادىستەرىن ەسكەرەتىن قالانى كوگالداندىرۋ جۇيەسىن ستراتەگيالىق قالا قۇرىلىسىن دامىتۋدىڭ نەگىزگى قاعيداتتارى مەن باعىتتارى ازىرلەنگەن تۇراقتى جانە ءتيىمدى كوگالداندىرۋ جۇيەسىن قۇرۋ ءۇشىن جاعدايلاردى قامتاماسىز ەتۋگە باعىتتالعان»، - دەپ اتاپ وتەدى اكىمدىك اگەنتتىكتىڭ رەسمي ساۋالىنا بەرگەن جاۋابىندا.
وسى جىلى قالانى كوگالداندىرۋعا قارجىلاندىرۋ 2 ەسەگە ۇلعايتىلعان.
«سونداي-اق، بيىل شامامەن 1 ملن جاسىل جەلەك، ونىڭ ىشىندە قالا اۋماعىندا 452 مىڭنان استام جانە «جاسىل بەلدەۋ» اۋماعىندا 457 مىڭنان استام ەكپە وتىرعىزىلادى. ەگۋ ۋچاسكەلەرى مەن ولاردىڭ تۇرلىك قۇرامى ايقىندالدى. كوكتەمگى وتىرعىزۋ، ونىڭ ىشىندە «جاسىل استانا» كوكتەمگى ەكولوگيالىق ايلىعى اياسىندا بيزنەس سۋبەكتىلەرىن، ەرىكتىلەردى، ەكولوگيالىق، جاستار جانە ستۋدەنتتەر ۇيىمدارىن تارتا وتىرىپ، 292525 دانا جاسىل جەلەك («جاسىل بەلدەۋ» اۋماعىندا - 249514 دانا، قالا ىشىندە - 43011 دانا) ەگىلەدى. كوگالداندىرۋ جۇمىستارى كۇزگى وتىرعىزۋ جانە «جاسىل استانا» كۇزگى ەكولوگيالىق ايلىعى كەزەڭىندە جالعاساتىن بولادى»، - دەدى اكىمدىكتەن.