استانا قالاسىنىڭ پروكۋراتۋراسى مەملەكەتكە 1 ميللياردتان استام تەڭگە قايتاردى
12:03, 31 - شىلدە 2023
استانا. قازاقپارات - استانا قالاسىنىڭ پروكۋراتۋراسى مەملەكەتكە 1 ميللياردتان استام تەڭگە قايتاردى، دەپ حابارلايدى قازاقپارات ق ر باس پروكۋراتۋراسىنىڭ باسپا ءسوز قىزمەتىنە سىلتەمە جاساپ.
باسپاءسوز قىزمەتىنىڭ مالىمەتتەرىنە قاراعاندا، ەلوردا پروكۋراتۋراسى مەملەكەت پايداسىنا شىعارىلعان سوت اكتىلەرىنىڭ ورىندالۋىنا تالداۋ جاسادى.
پروكۋرورلىق قاداعالاۋ اكتىسىن ەنگىزۋ ناتيجەسىمەن سوتتالعانعا تيەسىلى جالپى باعاسى 1 ميلليارد 62 ميلليون تەڭگە قۇرايتىن 5 جەر ۋچاسكەلەرىن ءوندىرۋ ارقىلى كەلتىرىلگەن شىعىن مەملەكەت پايداسىنا وتەلدى.
«وسىلايشا، پروكۋراتۋرا قابىلداعان شارالار قىلمىس جولىمەن تابىلعان سوتتالعاننىڭ مۇلكىن مەملەكەت پايداسىنا ءوندىرۋ ارقىلى سوت ۇكىمىن ورىندادى»، - دەلىنگەن حابارلامادا.