حالىقتى جۇمىسپەن قامتۋ ورتالىقتارى 1-شىلدەدەن باستاپ جۇمىسىن توقتاتادى
11:08, 22 - ماۋسىم 2023
استانا. قازاقپارات - ولاردىڭ ورنىنا ەڭبەك موبيلدىگى ورتالىقتارى قۇرىلادى.
1-شىلدەدەن باستاپ الەۋمەتتىك كودەكستىڭ كۇشىنە ەنۋىنە وراي، قازاقستاندا جۇمىسپەن قامتۋ ورتالىقتارى جويىلادى. ولاردىڭ ورنىنا وبلىس ورتالىقتارى مەن رەسپۋبليكالىق ماڭىزى بار قالالاردا ەڭبەك موبيلدىگى ورتالىقتارى قۇرىلادى. مۇنداي ورتالىقتاردىڭ فيليالى مانساپ ورتالىعى دەگەن اتاۋمەن جۇمىس ىستەيدى.
ەڭبەك موبيلدىگى ورتالىقتارى «حالىقتى جۇمىسپەن قامتۋ تۋرالى» ق ر زاڭى نەگىزىندە جۇمىس ىستەيدى. «جاستار پراكتيكاسى»، «العاشقى جۇمىس ورنى»، «كۇمىس جاس»، «ۇرپاقتار كەلىسىمشارتى» جوبالارىن جۇزەگە اسىرادى.
ەڭبەك جانە حالىقتى الەۋمەتتىك قورعاۋ مينيسترلىگىنىڭ مالىمەتىنشە، قازىرگى تاڭدا قازاقستاندا 207 جۇمىسپەن قامتۋ ورتالىعى بار.
Informburo.kz