بىلتىر قازاقستانعا 1 ميلليونعا جۋىق شەتەلدىك تۋريست كەلدى
22:30, 19 - ماۋسىم 2023
استانا. قازاقپارات - ۇكىمەت وتىرىسىندا بايانداما جاساعان مادەنيەت جانە سپورت ءمينيسترى اسحات ورالوۆ پاندەميانىڭ سالدارىنا قاراماستان، وتاندىق ءتۋريزمنىڭ كورسەتكىشتەرى جاقسارعانىن ءمالىم ەتتى، دەپ حابارلايدى قازاقپارات ءتىلشىسى.
«دۇنيەجۇزىلىك تۋريستىك ۇيىم (UNWTO) ءتۋريزمنىڭ قايتا قالپىنا كەلۋى 2024 -جىلعا دەيىن كەشەۋىلدەيدى دەپ بولجاعان بولاتىن. دەگەنمەن پاندەميانىڭ اۋىر زارداپتارىنا قاراماستان، وتكەن جىلدىڭ قورىتىندىسى بويىنشا قازاقستان ءتۋريزمى قالپىنا كەلدى دەۋگە تولىق نەگىز بار. بۇگىندە وتاندىق تۋريستەر سانى % عا ارتىپ، 8,6 ميلليون ادامعا جەتتى. بۇل پاندەمياعا دەيىنگى دەڭگەيدەن شامامەن 2 ميلليون عا جوعارى كورسەتكىش»، - دەدى اسحات ورالوۆ.
سونىمەن قاتار، بىلتىر قازاقستانعا 1 ميلليونعا جۋىق شەتەلدىك تۋريست كەلگەن. مينيستر سوزىنشە، بيىل بۇل كورسەتكىش 1,4 ميلليونعا دەيىن وسەدى دەپ كۇتىلۋدە.