قازاقستاندا 1- شىلدەدەن باستاپ ىشىمدىك قىمباتتايدى
08:44, 14 - ماۋسىم 2023
استانا. قازاقپارات – 1- شىلدەدەن باستاپ ەلىمىزدە ىشىمدىك باعاسى قىمباتتاۋى مۇمكىن، دەپ حابارلايدى قازاقپارات ءتىلشىسى.
اشىق ن ق ا پورتالىندا قارجى ءمينيسترىنىڭ بولشەك ساۋدادا وتكىزۋ ءۇشىن اراققا قويىلاتىن شەكتى باعانى كوتەرۋ تۋرالى بۇيرىعىنىڭ جوباسى جاريالاندى.
وعان ساي، 1- شىلدەدەن باستاپ 30- قىركۇيەككە دەيىنگى ارالىقتا ىشىمدىكتەردىڭ بولشەك ساۋداداعى ەڭ تومەنگى قۇنى بىلاي بەلگىلەندى:
- اراقتار، كۇشتىلىگى جوعارى ليكەر-اراق بۇيىمدارىنىڭ ءبىر ليترى - 1980 تەڭگە.
- كونياك پەن برەنديدىڭ ءبىر ليترى - 2930 تەڭگە.
ال 1- قازاننان ىشىمدىكتىڭ ەڭ ارزان باعاسى كەلەسىدەي بولماق:
- اراقتار، كۇشتىلىگى جوعارى ليكەر-اراق بۇيىمدارىنىڭ ءبىر ليترى - 2100 تەڭگە؛
- كونياك پەن برەنديدىڭ ءبىر ليترى - 3110 تەڭگە.
قارجى ءمينيسترىنىڭ بۇيرىعى 26- ماۋسىمعا دەيىن كوپشىلىك تالقىلاۋدا بولادى. كەيىن قول قويۋ ءۇشىن ۆەدومستۆو باسشىسىنا جولدانادى. سودان سوڭ، ياعني 1- شىلدەدەن كۇشىنە ەنەدى.