شىلدەنىڭ 1 ىنەن باستاپ كەدەيلىك شەگىن جاڭا تارتىپپەن ەسەپتەۋ بۇيرىعى كۇشىنە ەنەدى

استانا. قازاقپارات - ەڭبەك جانە حالىقتى الەۋمەتتىك قورعاۋ ءمينيسترى «كەدەيلىك شەگىنىڭ مولشەرىن ايقىنداۋ تۋرالى» بۇيرىققا قول قويدى، دەپ حابارلايدى قازاقپارات ءتىلشىسى.

قۇجاتتا كورسەتىلگەندەي، ەندى ەلىمىزدە كەدەيلىك شەگى جاڭا ەسەپتەۋ ءتارتىبى بويىنشا ايقىندالماق.

«قازاقستان رەسپۋبليكاسى بويىنشا كەدەيلىك شەگى:

- 2023-جىلعى 1- شىلدەدەن باستاپ - مەملەكەتتىك اتاۋلى الەۋمەتتىك كومەك تاعايىنداۋعا جۇگىنگەن توقسانىنىڭ الدىنداعى توقسانعا ەسەپتەلگەن ەڭ تومەن كۇنكورىس دەڭگەيىنىڭ 70 پايىزى مولشەرىندە؛

- 2025-جىلعى 1- قاڭتاردان باستاپ - مەملەكەتتىك اتاۋلى الەۋمەتتىك كومەك تاعايىنداۋعا جۇگىنگەن توقسانىنىڭ الدىنداعى توقسانعا ەسەپتەلگەن مەديانالىق تابىستىڭ 50 پايىزى مولشەرىندە ايقىندالسىن»، - دەلىنگەن مينيستر قول قويعان بۇيرىقتا.

قۇجات 1- شىلدەدەن باستاپ قولدانىسقا ەنگىزىلەدى.

ايتا كەتەيىك، قازىر كەدەيلىك شەگى ەڭ تومەنگى كۇنكورىس دەڭگەيىنىڭ p نا تەڭ. دەمەك، قازىر كۇنكورىس دەڭگەيى 40565 تەڭگە بولسا، ونىڭ 70 پايىزى - 28397 تەڭگە.

ەسكە سالايىق، بۇعان دەيىن ەڭبەك جانە حالىقتى الەۋمەتتىك قورعاۋ ءمينيسترى تامارا دۇيسەنوۆا كەدەيلىك شەگى ورتاشا تابىس دەڭگەيى ارقىلى انىقتالاتىنىن مالىمدەگەن ەدى. ونىڭ ايتۋىنشا، بۇل وزگەرىستى ەنگىزۋ الدىندا ەكونوميكالىق ىنتىماقتاستىق جانە دامۋ ۇيىمىنىڭ تاجىريبەسى زەردەلەنگەن. وسى ۇيىمعا ەنەتىن 8 مەملەكەت كەدەيلىك شەگىن مەدياندىق تابىس دەڭگەيى ارقىلى ايقىندايدى.

قوسا كەتسەك، وتكەن جىلدىڭ سوڭىندا قازاقستاندا 986,5 مىڭ ادامنىڭ تابىسى كەدەيلىك شەگىنەن تومەن بولعان.