ب ا ق وكىلدەرىنىڭ قاتىسۋىمەن وتكەن بريفينگىدە ق ر ءى ءى م اكىمشىلىك پوليتسيا كوميتەتى ءتوراعاسىنىڭ مىندەتىن اتقارۋشى قايسار سۇلتانبايەۆ وسىلاي مالىمدەدى، دەپ حابارلايدى قازاقپارات ءتىلشىسى.
«بيىل كامەلەتكە تولماعانداردى بەيىمدەۋ ورتالىقتارىنا 4 مىڭنان استام جاس ءوسپىرىم جەتكىزىلدى. ونىڭ ىشىندە 3,5 مىڭنان استامى قاراۋسىز جانە پاناسىز قالعاندار. جىل سايىن 6 مىڭنان استام زاڭدى وكىلدەر بالا تاربيەسى جونىندەگى مىندەتتەرىن ورىنداماعانى ءۇشىن جاۋاپقا تارتىلادى. پوليتسيانىڭ ۇسىنىسى بويىنشا سوت جىل سايىن بالا تاربيەسى بويىنشا تالاپتاردى ورىنداماعانى ءۇشىن 1 مىڭعا جۋىق اتا-انا قۇقىقتارىنان ايىرىلادى جانە شەكتەلەدى»، - دەپ ءمالىم ەتتى قايسار سۇلتانبايەۆ.
ونىڭ ايتۋىنشا، قۇقىق قورعاۋ ورگاندارىنىڭ تۇراقتى ەسەبىندە تۇرعان 4,3 مىڭ جاس ءوسپىرىم مەن 7 مىڭعا جۋىق الەۋمەتتىك جاعدايى ناشار وتباسىنىڭ بالالارى بار. پوليتسيا قىزمەتكەرلەرى ولارمەن جەكە پروفيلاكتيكالىق جۇمىستار جۇرگىزۋدە.
وسىعان دەيىن بالاسىن تۇندە ويىن- ساۋىق ورىندارىنا جىبەرگەن 78 مىڭ اتا-انا جاۋاپقا تارتىلعانىن جازدىق.