وعان 40 تان استام IT كومپانيا وكىلدەرى جينالدى. ءىس-شارانىڭ جۇلدە قورى - ميلليارد تەڭگە، دەپ حابارلايدى قازاقپارات ءتىلشىسى.
كوماندالار ونەركاسىپكە سيفرلىق تەحنولوگيانى ەنگىزۋگە باعىتتالعان ءوز جوبالارىن تانىستىرا وتىرىپ، قاتتى پايدالى قازبالاردى ءوندىرۋ جانە وڭدەۋ سالاسىنداعى سەگىز كەيستىڭ ءبىرى بويىنشا مىندەتتەردى شەشۋى ءتيىس.
ءبىر مىندەتتى شەشۋگە 320 ميلليون تەڭگەگە دەيىن گرانت بەرىلەدى. پرەزەنتاتسيادان كەيىنگى ەڭ ۇزدىك جوبالاردى قازىلار القاسى انىقتايدى.
مارافوننىڭ اشىلۋىنا قاراعاندى وبلىسىنىڭ اكىمى ەرماعانبەت بولەكپايەۆ قاتىستى. ول قاتىسۋشىلارعا ساتتىلىك تىلەدى.
Prometeo Chain System KZ Ltd كومانداسى مارافونعا استانادان كەلگەن.
كومپانيا وندىرىستىك كاسىپورىندار ءۇشىن جاڭارتىلعان پوزيتسيالاۋ جوباسىن ۇسىندى.
ول پەرسونالدىڭ نەمەسە جابدىقتىڭ، جىلجىمالى تەحنيكانىڭ ورنالاسقان جەرىن جەر بەتىندە دە، جەر استىندا دا بىرنەشە سانتيمەترگە دەيىن ءدال انىقتاۋعا مۇمكىندىك بەرەدى.
«وندىرىستە ءبىز بەلگىلى ءبىر نىساننىڭ ورنالاسقان جەرىن ايماق بويىنشا انىقتاۋعا مۇمكىندىك بەرەتىن ءارتۇرلى باعدارلامالاردى قولدانامىز. نىساننىڭ قاي جەردە ەكەنىن بىلەسىز، ءبىراق ورنالاسقان جەرىن سانتيمەترلىك دالدىكپەن جانە ونىڭ بيىكتىگىن بىلمەيسىز. ءبىز ۇسىناتىن تەحنولوگيانىڭ ارقاسىندا شارتتى تۇردە ادامنىڭ ورنالاسقان جەرىن، ونىڭ كوورديناتتارىن عانا ەمەس، سونىمەن قاتار ونىڭ بيىكتىگىن دە انىقتاۋعا بولادى. بۇل - جوعارى دالدىكتەگى ناۆيگاتسيا. جوبامىزدىڭ جەكە شەشىمدەرىن ساتامىز جانە ولار يتاليا، ا ق ش جانە قىتاي وندىرىستەرىندە قولدانىلادى. ويتكەنى، پوزيتسيالاۋدان باسقا، ءبىز بەرىلەتىن دەرەكتەردى قورعاۋدى دا ۇسىنامىز»، - دەيدى كوماندا وكىلى دميتري زەرنوۆ.
قاراعاندىلىق ازىرلەۋشىلەر توبى كاسىپورىنداردىڭ تاۋارلىق-ماتەريالدىق قۇندىلىقتارىن ەسەپكە الۋعا مۇمكىندىك بەرەتىن اقىلدى قويما جوباسىن ۇسىندى.
«ءبىزدىڭ جوبا، ارينە، بىرەگەي ەمەس. مۇنداي باعدارلاما كوپتەگەن كومپانيالاردا ەنگىزىلگەن. ءبىراق ءبىزدىڭ ەرەكشەلىگىمىز - بىرنەشە تەحنولوگيانى قولدانامىز، سيمبيوز جاسايمىز. جاڭاسىن جاسامايمىز، قازىرگىسىن جاقسارتامىز. نارىقتا ءۇش جىلدان بەرى جۇمىس ىستەپ كەلەمىز. ءبىزدىڭ باستى مىندەتىمىز - بيزنەس- پروتسەستەردى اۆتوماتتاندىرۋ، روبوتتارعا كۇندەلىكتى مىندەتتەر بەرۋ جانە اۆتوماتتاندىرۋدىڭ تولىق تسيكلىن جۇرگىزۋ»، - دەيدى «ا-بيزنەس قازاقستان» ج ش س باسشىسى تيمۋر دۇرماعامبەتوۆ.
سونداي-اق قاتىسۋشىلار قالدىق قويماسىنىڭ تەرەڭدىگىن انىقتاۋ ءۇشىن سيفرلىق تەحنولوگيانىڭ عىلىمي- قولدانبالى ءادىسىن ەنگىزۋ مىندەتتەرىنىڭ شەشىمدەرىن، سونداي- اق ەلدى مەكەندەردىڭ، ولاردىڭ ينفراقۇرىلىمى مەن كولىك كوممۋنيكاتسيالارىنىڭ ماڭىندا بۇرعىلاۋ-جارۋ جۇمىستارىن قاۋىپسىز جۇرگىزۋ ءۇشىن زياندى جارىلىس ونىمدەرىنىڭ (شاڭ- گاز بۇلتىنىڭ) شىعارىندىلارىن ازايتۋ جانە تاۋ-كەن ماسساسىنىڭ جەكەلەگەن بولىكتەرىنىڭ ۇشۋ راديۋسىن ازايتۋ جوبالارىن ۇسىنادى.
«ءىس- شارانى ۇيىمداستىرۋشى - «تەرريكون القابى» IT Hub جانە ءبىزدىڭ باسقارمانىڭ قولداۋىمەن Tech Garden برەندىمەن ارەكەت ەتەتىن «يننوۆاتسيالىق تەحنولوگيالار پاركى» دەربەس كلاستەرلىك قورى. قاتىسۋشىلار سيفرلىق تەحنولوگيالار مەن جاساندى ينتەللەكت كومەگىمەن سەگىز كەيس شەشەدى. ۇسىنىلعان جوبالار تاۋ-كەن مەتاللۋرگيا سالاسىن جاڭا دەڭگەيگە شىعارۋعا، ونىڭ ىشىندە پروتسەستەردى اۆتوماتتاندىرۋعا، ەكولوگيالىق پايدا اكەلۋگە، بارىنشا تيىمدىلىككە قول جەتكىزۋگە جانە كاسىپورىنداردا جاڭا تەحنولوگيالاردى ەنگىزۋگە مۇمكىندىك بەرەدى»، - دەپ اتاپ ءوتتى قاراعاندى وبلىسىنىڭ اقپاراتتاندىرۋ، مەملەكەتتىك قىزمەتتەر كورسەتۋ جانە مۇراعاتتار باسقارماسىنىڭ باسشىسى رۋستام بايجانوۆ.
Tech Garden وسىنداي مارافونداردى اي سايىن وتكىزەدى.
مارافونداردىڭ جۇلدە قورى دا، قاتىسۋشىلار سانى دا ۋاقىت وتە كەلە ارتىپ كەلەدى.
قازاقستان بويىنشا مارافون وتكىزۋ كەزىندە جالپى سوماسى 16,3 ميلليارد تەڭگەگە 185 جوبا قارجىلاندىرىلدى.