بۇل تۋرالى ق ر باس پروكۋراتۋراسى 1- قىزمەت باستىعىنىڭ ورىنباسارى ەلدوس قيلىمجانوۆ ءمالىم ەتتى، دەپ حابارلايدى قازاقپارات ءتىلشىسى.
«بيىل 3- قاراشادا قاڭتارداعى جاپپاي تارتىپسىزدىك كەزىندە قىلمىستىق قۇقىق بۇزۋشىلىق جاساعان ادامدارعا قاتىستى «راقىمشىلىق تۋرالى» ق ر زاڭى كۇشىنە ەندى. قازىر 1071 ادامعا راقىمشىلىق جاسالدى. اتاپ ايتقاندا، سوتقا دەيىنگى تەرگەۋ بارىسىندا ورتاشا اۋىر قىلمىس جاساعان 8 كۇدىكتىگە قاتىستى ءىس توقتاتىلدى. سول سياقتى سوت شەشىمىمەن 9 ادامعا قاتىستى قىلمىستىق ءىس توقتاتىلىپ، 77 ادامنىڭ جازا مەرزىمى قىسقارتىلدى. ودان بولەك، 902 سوتتالۋشىنىڭ جازاسىن وتەۋ مەرزىمى ازايدى. ونىڭ ىشىندە 827 ءى ەسەپ بەرەتىن پروباتسيا، ال 75 قىلمىسكەر جازادان بوساتىلدى. قاراشادا راقىمشىلىق اكتىسىن قولدانا وتىرىپ، باس بوستاندىعىنان ايىرۋ ورىندارىنان 60 ادام، ال پروباتسيالىق باقىلاۋدان 68 ادام بوستاندىققا شىقتى»، - دەدى ەلدوس قيلىمجانوۆ ورتالىق كوممۋنيكاتسيالار قىزمەتىندە وتكەن باسپا ءسوز ءماسليحاتىندا.
بۇعان دەيىن باس پروكۋراتۋرا وكىلى قاڭتار وقيعاسى كەزىندە بەيبىت تۇرعاندار مەن پوليتسەيلەرگە ۇيىمداسقان تۇردە شابۋىل جاسالعانىن مالىمدەگەن ەدى.