قالاي دەمالامىز؟
بيىل جەلتوقساندا مەرەكەلەرگە بايلانىستى ءبىرشاما وزگەرىس بار. 1-جەلتوقسان - تۇڭعىش پرەزيدەنت كۇنى دەمالىس بولمايدى. ول مەملەكەتتىك مەرەكەلەر قاتارىنان الىپ تاستالدى، ەندى ول مەملەكەتتىك رامىزدەر كۇنى، العىس ايتۋ كۇنى سياقتى اتاۋلى داتالارعا جانە الەۋمەتتىك ءمانى جوعارى الەۋەتى بار باسقا دا داتالارعا ۇقساس بولىپ قالدىرىلدى. بيىل 1-جەلتوقسان بەيسەنبىگە سايكەس كەلەدى جانە تولىق جۇمىس كۇنى.
سونداي-اق، بيىل تاۋەلسىزدىك كۇنىندەگى دەمالىس كۇندەرى قىسقاردى. ەندى مەرەكە تەك ءبىر كۇن - 16-جەلتوقساندا تويلانادى. ال 17-جەلتوقسان جۇمىس كۇنى بولادى. بيىل 17-جەلتوقسان سەنبىگە سايكەس كەلەدى جانە اپتاسىنا بەس كۇن جۇمىس ىستەيتىن قازاقستاندىقتار ءۇشىن دەمالىس كۇنى بولادى.
ياعني 16-جەلتوقسان جانە سەنبى، جەكسەنبى كۇنگى دەمالىستاردى قوسقاندا قازاقستاندىقتار جەلتوقساندا 10 كۇن دەمالادى. قازاقستاندا جىلدىڭ سوڭعى كۇنى جۇمىس كۇنى بولادى. ءبىراق بيىل 31-جەلتوقسان سەنبىگە كەلگەندىكتەن، بەس كۇن جۇمىس ىستەيتىندەر ءۇشىن دە دەمالىس بولادى.
جازعى دوڭگەلەكپەن جۇرۋگە تىيىم سالىنادى
قازاقستان رەسپۋبليكاسى ىشكى ىستەر مينيسترلىگى قىستىڭ باستالۋى مەن سۋىق اۋا رايىنا بايلانىستى جولدارداعى كولىك قوزعالىسى ەرەكشە نازار اۋدارۋدى قاجەت ەتەتىنىن اتاپ ءوتتى.
«جەڭىل كولىكتەر مەن از توننالى جۇك كولىكتەرىنىڭ جەلتوقسان، قاڭتار، اقپان ايلارىندا تەك قىسقى نە بارلىق ماۋسىمعا ارنالعان دوڭگەلەكتەردىڭ كەيبىرىمەن عانا جولعا شىعۋىنا رۇقسات بەرەتىن تالاپ كەدەن وداعىنىڭ «دوڭگەلەكتى كولىك قۇرالدارىنىڭ قاۋىپسىزدىگى تۋرالى» تەحنيكالىق رەگلامەنتىندە جازىلعان»، - دەلىنگەن حابارلامادا.
ەرەجەنى بۇزعان جاعدايدا 5 ا ە ك (15315) كولەمىندە ايىپپۇل سالىنادى ەكەن. ال ءبىر جىل ىشىندە وسى ەرەجە قايتا بۇزىلسا، وندا ايىپپۇل كولەمى ارتادى. سونىمەن قاتار، جازعى شينالاردىڭ قىستا قاتىپ قالىپ، تۇتقىرلىق قاسيەتىنەن ايىرىلۋى، ەڭ كەمى الدىڭعى كولىكتى ءسال ءىلىپ كەتۋگە ءماجبۇر ەتسە، كەي جاعدايدا وقيعانىڭ قايعىلى اياقتالۋىنا اكەپ سوعۋى دا عاجاپ ەمەس. قىستا جۇرۋگە رۇقسات بەرىلەتىن بۇدىرلى شينالار ىشىندە قار ۇشقىنى بار ءۇش شىڭعا يە تاۋ ىسپەتتەس بەلگىمەن
جانە M S ،M جانە S نە M S بەلگىلەرىمەن تاڭبالانادى. بۇل رەتتە شينا بۇدىرىنىڭ تەرەڭدىگى كەمى 4 م م بولۋى ءتيىس.
قونايەۆتان كۇندەلىكتى قاتىنايتىن پويىز باعىتى الماتى-2 ۆوكزالىنا دەيىن ۇزارتىلادى
«جولاۋشىلار تاسىمالى» ا ق باسپا ءسوز قىزمەتىنىڭ مالىمەتىنشە، بيىل 11-جەلتوقساننان باستاپ الماتى-2 بەكەتىنە دەيىن جولدى ۇزارتۋ جوسپارلانعان. پويىز تاۋلىگىنە ورتا ەسەپپەن 25-40 ادامدى تاسىمالدايدى.
الماتى-1 - قاپشاعاي - الماتى-1 پويىز باعىتى ىسكە قوسىلعاننان بەرى كۇندەلىكتى تاسىمالدار:
الماتى-1 - قاپشاعاي - 25 جولاۋشى؛
قاپشاعاي - الماتى-1 - 38 جولاۋشى.
مارشرۋتتى ىسكە قوسۋ ءۇشىن رەسپۋبليكالىق جانە جەرگىلىكتى بيۋدجەتتەن قاراجات بولىنبەگەن. 2022 -جىلدىڭ سوڭىنا دەيىن باعىتتى ۇستاۋ «قازاقستان تەمىر جولى» ۇلتتىق كومپانياسىنىڭ جەكە قاراجاتى ەسەبىنەن ۇيىمداستىرىلادى.
تارازدا»سەرگەك«جۇيەسى ىسكە قوسىلادى
جامبىل وبلىسىنىڭ ورتالىعىندا بيىل 1-جەلتوقساننان باستاپ، قوعامدىق جانە جول قاۋىپسىزدىگىن قامتاماسىز ەتەتىن «سەرگەك» باقىلاۋ جۇيەسى ىسكە قوسىلادى. تارازدا جوبا بويىنشا 1250 جالپى باقىلاۋ كامەراسىن ورناتۋ قاراستىرىلعان. 48 اپپاراتتىق- باعدارلامالىق كەشەن (ا ب ك) قالانىڭ جول قوزعالىسى قاۋىپسىزدىگىن قامتاماسىز ەتەدى.
بارلىق ەرەجە بۇزۋ جاعدايى ق ر باس پروكۋراتۋراسىنىڭ قۇقىقتىق ستاتيستيكا جانە ارنايى تىركەۋ كوميتەتىنىڭ اكىمشىلىك ىستەر بويىنشا ءبىرىڭعاي رەەسترىنە بىردەن تىركەلەدى.
جانقوش تۇراروۆتىڭ جەكپە-جەگى وتەدى
جانقوش تۇراروۆ يسپانيا اتىنان شىعاتىن تەگى ۆەنەسۋەلالىق بوكسشى ەنريكە لۋيسپەن 11-جەلتوقساندا الماتى تورىندە رينگكە شىعادى.
بۇل جەكپە-جەكتە ءبىرىنشى جارتىلاي ورتا سالماقتاعى IBO Intercontinental بەلبەۋى ساراپقا سالىنادى. لۋيس بەلبەۋدى الىپ كەتەتىنىن مالىمدەدى.
دامير يسماعۇلوۆتىڭ كەلەسى كەزدەسۋى وتەدى
UFC رەسمي تۇردە قازاقستاندىق فايتەر دامير يسماعۇلوۆتىڭ كەلەسى كەزدەسۋى تۋرالى حابارلادى. يسماعۇلوۆ پەن ارمان سارۋكيان (18-3) اراسىنداعى جەكپە-جەك 18-جەلتوقساندا لاس-ۆەگاس (نەۆادا شتاتى، ا ق ش) قالاسىندا UFC Vegas66 تۋرنيرىندە وتەدى.
ايتا كەتەيىك، UFC-دىڭ جەڭىل سالماقتاعى رەيتينگىندە يسماعۇلوۆ 12-ورىندا، ال سارۋكيان 9-ورىندا تۇر.
قازاقستان مەن وزبەكستان شەكاراداعى وتكىزۋ پۋنكتتەرىن جابادى
1-جەلتوقساننان باستاپ «قاپلانبەك» جانە «زانگيوتا» وتكىزۋ پۋنكتتەرى قايتا جاڭارتۋعا جابىلادى. قايتا قۇرۋ قورىتىندىسى بويىنشا، تاسجولدى ەكى جولدان التى جولاققا دەيىن كەڭەيتۋ جۇرگىزىلەدى، «قاپلانبەك» وتكىزۋ پۋنكتىنىڭ وتكىزۋ قابىلەتى تاۋلىگىنە 200 دەن 1000 كولىك قۇرالىنا دەيىن ۇلعايتىلادى، شەكارادان ءوتۋ ۋاقىتى 25 مينۋتقا دەيىن قىسقارتىلادى.
الماتىدا جوسپارلى جالپى قالالىق سەيسموجاتتىعۋ وتەدى
الماتىدا 2 جەلتوقساندا ساعات 11:00-دە جوسپارلى جالپىقالالىق سەيسميكالىق وقۋ-جاتتىعۋ وتەدى. ول جىلىنا ءبىر رەت وتكىزىلەدى. توقسان سايىن قالا مەكەمەلەرىندە سەيسميكالىق جاتتىعۋلار ۇيىمداستىرىلسا، بيىلدىڭ وزىندە 3,5 مىڭنان اسا سەيسميكالىق وقۋ- جاتتىعۋ وتكىزىلگەن.
سەيسميكالىق وقۋ-جاتتىعۋ كۇنى تەلە جانە راديوارنالار سيرەنالىق قوندىرعىلاردى پايدالانۋ ارقىلى قالالىق ەسكەرتۋ جۇيەسى ىسكە قوسىلادى، «دارمەن» موبيلدى قوسىمشاسى ارقىلى push-حابارلامالار جىبەرىلەدى.
قىستىڭ العاشقى كۇندەرى اۋا رايى قانداي بولادى؟
سينوپتيكتەر 1-3-جەلتوقسانعا ارنالعان اۋا رايى بولجامىن ۇسىندى. مەتەورولوگتار مالىمەتىنشە، كەزەكتى انتيتسيكلوننىڭ اۋىسۋىنا بايلانىستى قازاقستان اۋماعىنىڭ باسىم بولىگىندە اۋا تەمپەراتۋراسىنىڭ تومەندەۋى كۇتىلەدى، سوعان بايلانىستى باتىستا، سولتۇستىك- باتىستا جانە سولتۇستىكتە جاۋىن- شاشىن بولمايدى.
ورتالىقتا، رەسپۋبليكانىڭ وڭتۇستىگىندە جانە وڭتۇستىك- شىعىسىندا وڭتۇستىك تسيكلون اسەرىن ساقتايدى، سونىمەن قاتار جاۋىن- شاشىن، نەگىزىنەن، قار تۇرىندە بولادى:
1-جەلتوقساندا وڭتۇستىك جانە وڭتۇستىك- شىعىستىڭ تاۋلى ايماقتارىندا، 2-جەلتوقساندا شىعىستا اتموسفەرالىق فرونتتار ىقپالىنان قار جاۋادى. رەسپۋبليكادا جەلدىڭ كۇشەيۋى كۇتىلەدى، وڭتۇستىكتە، وڭتۇستىك- شىعىستا - تۇمان، كوكتايعاق؛ شىعىستا جانە ورتالىقتا - قارلى بوران.
»اۋا تەمپەراتۋراسىنىڭ تومەندەۋى: تۇندە رەسپۋبليكانىڭ باتىسىندا 2-16-دان 5-18 گرادۋس ايازعا دەيىن، سولتۇستىك- باتىستا 7-27-دەن 14-30 گرادۋس ايازعا دەيىن، سولتۇستىك وبلىستاردا 15-28-دەن 22-32 گرادۋس اياز، ەلىمىزدىڭ ورتالىعىندا 5-20-دان 13-30 گرادۋسقا دەيىن اياز، رەسپۋبليكانىڭ شىعىسىندا 15-35-تەن 22-37 گرادۋسقا دەيىن اياز، وڭتۇستىكتە 3-12-دەن 8-17 گرادۋسقا دەيىن اياز، وڭتۇستىك- شىعىستا 1-22-دەن 8-28 گرادۋسقا دەيىن اياز بولادى«، - دەلىنگەن حابارلامادا.
ماسساگەت