«بۇگىن امانقاراعاي اۋىلىندا ورتتەن زارداپ شەككەن تۇرعىندارمەن كەزدەستىم. بارشاڭىزعا بەلگىلى، باسپاناسىنان ايىرىلعان تۇرعىندار ءۇشىن 91 ءۇي سالۋ تۋرالى شەشىم قابىلداندى. بۇگىنگى كۇنى قۇرىلىس- مونتاجداۋ جۇمىستارىمەن 13 مەردىگەرلىك ۇيىم اينالىسادى. جاڭا ۇيلەر سالۋ ورنى رەتىندە اۋليەكول اۋىلىنداعى جەر ۋچاسكەسى انىقتالدى. اۋليەكول اۋىلىنىڭ جوسپارىنا سايكەس، تۇرعىن ءۇي قۇرىلىسىنا جالپى اۋدانى 53 گ ا جەر ۋچاسكەسى بار. وسى ۋچاسكەدەن 10 سوتىق ۋچاسكەدە ءارقايسىسىنىڭ اۋدانى 100 ش. م. تۇرعىن ۇيلەر سالۋ ءۇشىن 12 گ ا ءبولىندى.
جەر ۋچاسكەلەرى قاجەتتى ينفراقۇرىلىممەن: سۋ، گاز، ەلەكتر ەنەرگياسىمەن، سونداي- اق كىرەبەرىس جولدارمەن قامتاماسىز ەتىلەتىن بولادى. ايتا كەتۋ كەرەك، جەر ۋچاسكەلەرى بار جاڭا ۇيلەر ءورت سالدارىنان زارداپ شەككەن ازاماتتاردىڭ مەنشىك قۇقىعىنا بەرىلەتىن بولادى. قۇرىلىس جۇمىستارى ءوزىمنىڭ جەكە باقىلاۋىممەن، سونداي- اق تەحنيكالىق جانە اۆتورلىق قاداعالاۋمەن جۇزەگە اسىرىلادى. سونداي- اق ءۇي جانۋارلارىنىڭ قىرىلۋىنا بايلانىستى زالال وتەلەتىن بولادى»، - دەپ جازدى اكىم.
سونداي- اق ول اۋىل شارۋاشىلىعى جانۋارلارى بويىنشا زالالدى وتەۋ اۋليەكول اۋدانىنىڭ اكىمدىگىنە جۇگىنگەن كەزدە جەرگىلىكتى بيۋدجەت جانە «قايىرىمدىلىق» قوعامدىق قورى قاراجاتى ەسەبىنەن جۇزەگە اسىرىلاتىنىن جەتكىزدى.
«حالىقتان باسقا 14 كاسىپكەرلىك سۋبەكتىسى دە زارداپ شەكتى. بارلىق زارداپ شەككەن نىساندار بويىنشا كاسىپكەرلەرگە كەلتىرىلگەن زالالدى وتەۋ بويىنشا جۇمىستار جۇرگىزىلۋدە. زالالداردى وتەۋ شىعىندى باعالاعاننان كەيىن جانە كاسىپكەردىڭ ءتيىستى راستايتىن قۇجاتتارى بولعان جاعدايدا عانا جۇرگىزىلەتىنىن اتاپ وتەمىن. ءورت كەزىندە زارداپ شەككەندەرگە كومەك كورسەتۋ ءۇشىن وبلىستا «قايىرىمدىلىق» ءبىرىڭعاي قوعامدىق قورى جۇمىس ىستەيدى. قور قاراجاتىنان بارلىق زارداپ شەككەن وتباسىلارعا 1 ميلليون تەڭگەدەن تولەۋ تۋرالى شەشىم قابىلداندى. قۇجاتتارى تولىق كولەمدە ۇسىنىلعان العاشقى 24 ادام 1 ميلليون تەڭگەدەن كارت- شوتتارعا يە بولدى. سونىمەن قاتار، اۋليەكول اۋدانىنا ەلىمىزدىڭ ءىرى بيزنەس وكىلدەرى دەمەۋشىلىك كومەك كورسەتتى»، - دەپ تولىقتىردى ول.